බලය ලබාගැනීමට නව වසරේ ලොකු සැලැස්මක් තියනවා – හිටපු ජනපති මහින්ද

බලය ලබාගැනීම සඳහා නව වසරේ ලොකු සැලැස්මක් ඇති බව හිටපු ජනාධිපති මහින්ද රාජපක්ෂ පවසනවා.

සිංහල දෙමළ අලුත් අවුරුද්දෙන් පසු ශ්‍රී ලංකා පොදුජන පෙරමුණේ බත්තරමුල්ල නෙළුම් මාවතේ පිහිටි පක්ෂ මූලස්ථානයේ කටයුතු ආරම්භ කිරීමේ අවස්ථාවට අද (20) පෙරවරුවේ එක්වෙමින් හිටපු ජනාධිපතිවරයා මේ බව සඳහන් කළා.

නව වසරේ දේශපාලනයේ වෙනසක් සිදුවන බවත්, එයට තම පක්ෂය සුසූදානම් බවත් හිටපු ජනාධිපති මහින්ද රාජපක්ෂ මෙහිදී පැවසුවා.

මේ අතර මෙවර මැයි දිනය, පොහොය දිනට යෙදී ඇති බැවින් තම පක්ෂය මැයි දිනය සැමරීමක් සිදුනොකර ආගමික කටයුතුවල නිරත වන බව ද ඔහු සඳහන් කළා.

තමාට අලුත් අවුරුද්ද ජය වුවත් ජනතාව මෙවර අලුත් අවුරුද්ද නිසිලෙස සැමරුවේ නැති බවයි හිටපු ජනාධිපතිවරයා මාධ්‍ය වෙත වැඩිදුරටත් අදහස් දක්වමින් සඳහන් කර සිටියේ.