ඉරානය විසින් මැදපෙරදිග කලාපයේ තෙල් නැව් වෙත එල්ල කරන ප්‍රහාර තීව්‍ර කර තිබෙනවා.
විදෙස් මාධ්‍ය වාර්තා අනුව ඉරාක මුහුදු සීමාවේදී ග්‍රීසියේ සමාගමකට සහ ඇමරිකාවේ සමාගමකට අයත් තෙල් නැව් දෙකක් වෙත ඉරානය පහර දී තිබෙනවා.
පුපුරණ ද්‍රව්‍ය පිරවූ බෝට්ටු යොදාගෙන ඉරානය විසින් මෙම ප්‍රහාර මාලාව දියත් කර ඇති අතර එම තෙල් ටැංකි දෙකකට ගිනි තබා විනාශ වී ඇති බවයි විදෙස් මාධ්‍ය වාර්තා කරන්නේ.
කෙසේ වෙතත් එම නෞකාවන්හි සිටි කාර්ය මණ්ඩලයේ 38 දෙනෙක් මුදා ගැනීමටද කටයුතු කර තිබෙනවා.
එමෙන්ම ඕමානයේ සලාලා වරායේ පිහිටි ඉන්ධන ගබඩා පහසුකම්වලටද එල්ල වූ ඉරාන ප්‍රහාර හේතුවෙන් එම ගබඩා ගිනිගෙන විනාහ වී ඇති බවට විදෙස් මාධ්‍ය වාර්තා පවසනවා.
