කළුතර, මීගහතැන්න ප්රදේශයේ ඊයේ (28) රාත්රියේ නිවසකට පැමිණ නිවෙසියාට වෙඩි තැබීමට උත්සාහ කළ තුවක්කුකරුවෙකුට එම නිවෙස් හිමියා විසින් පුටුවකින් සහ කැත්තකින් පහර දී තිබෙනවා.
එලෙස පහරකෑමට ලක්වූ පුද්ගලයා ප්රතිකාර සඳහා නාගොඩ රෝහලට ඇතුළත් කර ඇති අතර, ඔහු පොලිස් අත්අඩංගුවේ රෝහල් ගතව ප්රතිකාර ලබන බවයි වාර්තා වන්නේ.
ඔහු සන්තකයේ තිබී විදෙස් රටක නිෂ්පාදිත පිස්තෝලයක් සහ උණ්ඩ 4ක් ද සොයාගෙන තිබෙනවා.
මෙලෙස පහරකෑමට ලක්ව ඇත්තේ අලව්ව, අලුත් පාර ප්රදේශයේ පදිංචිකරුවෙක් බවයි පොලිසිය සඳහන් කළේ.
මෙම සිද්ධිය සම්බන්ධයෙන් පැමිණිලිකරු පොලිසියට පවසා ඇත්තේ කළුතර රජවත්ත ප්රදේශයේ පදිංචි ‘පෙත්තා’ නැමැති අයෙකු තමාගෙන් ලබාගත් ණය මුදලක් යළි ලබාදීම සඳහා ඊයේ (28) සිය නිවසට පැමිණි බවත්, එහිදී ඔහු සමඟ පැමිණි නාඳුනන පුද්ගලයෙක් විසින් තමාට වෙඩි තැබීමට උත්සාහ කළ බවයි.
එම අවස්ථාවේ දී තමන් වෙඩි තැබීමට තැත්කළ පුද්ගලයාට නිවසේ තිබූ පුටුවකින් සහ කැත්තකින් පහර දුන් බවත් එම අවස්ථවේ දී ‘පෙත්තා’ නැමැත්තා පලාගිය බවයි නිවසේ හිමිකරු පොලිසියට පවසා ඇත්තේ.
