මහින්ද මහත්තයා 2015 පැරදුණේ නැතිනම් තරුණයින් ඩොලර්වලින් පඩි ගන්නවා – තිස්ස කුට්ටිආරච්චි

වෛරය සහ ක්‍රෝධය පතුරවා වත්මන් රජය බලයට පැමිණ ඇති බව හිටපු පාර්ලිමේන්තු මන්ත්‍රී තිස්ස කුට්ටිආරච්චි පවසනවා.

ඔහු මේ බව සඳහන් කළේ අද (20) ශ්‍රී ලංකා පොදුජන පෙරමුණ විසින් කැඳවා තිබූ මාධ්‍ය හමුවකට එක්වෙමින්.

වර්තමාන ආණ්ඩුව බලයට පත්වීමෙන් පසුව, ලෝකයත් සමඟ තරගකාරීව ඉදිරියට යෑම සඳහා ආයෝජනය කළ හැකි එකඳු හෝ ආයෝජකයෙක් නොපැමිණි බවත්, විදුලි බලාගාර සහ අධිවේගී මාර්ග වැනි සංවර්ධන ව්‍යාපෘති පවා ආරම්භ කර නොමැති බවත් හිටපු පාර්ලිමේන්තු මන්ත්‍රී තිස්ස කුට්ටිආරච්චි පෙන්වා දුන්නා.

”වර්තමන ජනාධිපති අනුර කුමාර දිසානායක මොකක්ද port cityය ගැන දරන මතය, මහින්ද මහත්තයා 2015 පැරදුණේ නැතිනම් අද ඔය port cityය හැදිලා ශ්‍රී ලාංකීය තරුණ පරපුර ඩොලර්වලින් පඩි ගන්න තැනට අද port cityය මධ්‍යස්ථානයක් බවත් පරිවර්තනය වෙලා. අද මොකක්ද port cityයට මෙයලා කරන්නේ.” යැයි හිටපු පාර්ලිමේන්තු මන්ත්‍රී වැඩිදුරටත් අදහස් දක්වමින් කියා සිටියා.