බංගලාදේශයේ 2008 වර්ෂයේ පැවති මහ මැතිවරණයෙන් අවාමි ලීගයට අතිවිශිෂ්ට ජයග්රහණයක් හිමි වීමත් සමඟ 2006 වසර වන තෙක් එරට අගමැතිවරිය ලෙස කටයුතු කළ ඛලීඩා ස්සියාගේ පුත්රයා වන තාරික් රහ්මාන් මව්බිම අතහැර එක්සත් රාජධානිය කරා සංක්රමණය වුණා.
ඒ වන තෙක් බංගලාදේශයේ දේශපාලන භුමිකාවේ සක්රීයව කටයුතු කළ ඔහු මෙලෙස සිය මව්බිම අත්හැර සංක්රමණය වීමට ප්රධානතම හේතුව පැවති ආරක්ෂක තත්ත්වය බවයි විදෙස් මාධ්ය වාර්තා කර ඇත්තේ.
එක්සත් රාජධානියේ රැඳී සිටින කාලය අතරතුරද දේශපාලන ක්රියාකාරකම්වල නිරත වූ ඔහු, මේ වන විටත් බංග්ලාදේශ ජාතිකවාදී පක්ෂයේ (BNP) වැඩබලන සභාපතිවරයා ලෙස කටයුතු කරනවා.
කෙසේ වෙතත් වසර 17කට පසුව නැවතත් තාරික් රහ්මාන් අද (25) බංගලාදේශය කරා පැමිණෙනු ලැබුවා.
ඒ ඔහුගේ බිරිඳ සහ දියණියද සමඟයි.
මෙලෙස වසර 17කට පසුව මව්බිමට පැමිණි තාරික් රහ්මාන් දැකබලා ගැනීමට සහ පිලිගැනීම වෙනුවෙන් දහස් සංඛ්යාත බංගලාදේශ වැසියන් ඩකා අගනුවර වෙත පැමිණ තිබෙනවා.
60 හැවිරිදි තාරික් රහ්මාන් එළඹෙන පෙබරවාරි මාසයේ පැවැත්වීමට නියමිත බංගලාදේශයේ මහ මැතිවරණයේ දී අගමැති ධුරය සඳහා තරග කරන ප්රමුඛ තරඟකරුවෙක් ලෙස ඉස්මතු වී ඇති බවයි විදෙස් මාධ්ය වාර්තා කරන්නේ.
