තායිලන්තයේ බැංකොක් නුවර සුවර්ණභූමි ගුවන් තොටුපළේ දී පිඹුරන් තිදෙනෙකු යට ඇඳුම් තුළ සඟවා ගෙන රටින් පිටතට ගෙන යාමට උත්සාහ කළ ශ්රී ලාංකිකයෙක් අත්අඩංගුවට ගෙන තිබෙනවා.
විදෙස් මාධ්ය වාර්තා කළේ බැංකොක් හි වනජීවී අපරාධ බුද්ධි මධ්යස්ථානය සඳහන් කළේ ලැබුණු බුද්ධි තොරතුරක් මත මෙම ගුවන් මගියාව අත්අඩංගුවට ගැනුණු බවයි.
ශෙහාන් නැමැති මෙම සැකකරු තායි එයාර්වේස් ගුවන් සේවට අයත් TG 308 දරණ ගුවන් යානයෙන් බැංකොක් වෙත තිබුණා.
සැකකරුගේ පසුබිම් වාර්තා මඟින් අනාවරණය වී ඇත්තේ, වෘකයන්, මීර්කට්, කළු කොකාටූ, සීනි ග්ලයිඩර්, පෝර්කපයින්, බෝල පිඹුරන්, ඉගුවානා, ගෙම්බන්, සැලමැන්ඩර් සහ කැස්බෑවන් ඇතුළු විවිධ වනජීවී විශේෂයන් ප්රවාහනය කිරීමේ පෙර සිදුවීම් ඔහුට එරෙහිව ඇති බවයි.
මෙම සැකකරු පෙරේදා තම නවාතැනෙන් කුලී රථයකින් පිටත් වී පස්වරු 7.00 ට පමණ සුවර්ණභූමි ගුවන්තොටුපළට පැමිණ ඇති අතර, ඔහු ගුවන් තොටුපළට ඇතුළු වූ පසු ඔහුගේ ගමන් මළු පරීක්ෂා කළ ද කිසිවක් හමුවී නැහැ.
කෙසේ වෙතත් පසුව නිලධාරීන් ඔහුගේ ශරීරය පරීක්ෂාකර ඇති අතර, එහිදී ඔහුගේ යට ඇඳුම්වල සඟවා තිබූ බෝල පිඹුරන් තුනක් සොයා ගෙන තිබෙනවා.
ඒ, අනුව විධිමත් අත්අඩංගුවට ගැනීමේ ක්රියා පටිපාටි සහ වැඩිදුර ප්රශ්න කිරීම සඳහා සැකකරු අත්අඩංගුවට ගෙන ඇති බවයි විදෙස් වාර්තා පැවසුවේ.
