ජාත්‍යන්තර එක්දින තරග පිටියෙන් සමු ගැනීමට ඔස්ට්‍රෙලියාවේ තුන් ඉරියව් ක්‍රීඩක මාර්කස් ස්ටොයිනිස් තීරණය කර තිබෙනවා.
ඔහු සිය තීරණය නිල වශයෙන් ප්‍රකාශයට පත් කර ඇති බවත් ඒ අනුව එළඹෙන චැම්පියන්ස් කුසලාන තරගාවලියෙන් ද ස්ටොයිනිස් ඉවත් වීමටයි තීරණය කර ඇත්තේ.
ඔහු ශ්‍රී ලංකවට එරෙහිව පැවැත්වෙන එක්දින තරගාවලිය පැවැත්වීමට දින කිහිපයක් තිබියදි මෙම තීරණය ප්‍රකාශයට පත් කිරීම ද දැඩි කතාබහක් මතු කර තිබෙනවා.
ස්ටොයිනිස් ප්‍රකාශ කර ඇත්තේ තමන් එක්දින රටාවෙන් ඉවත් වන්නේ වැඩිවශයෙන් ම පන්දුවාර 20 තරග සඳහා දායක වීම වෙනුවෙන් බවයි.
35 හැවිරිදි ස්ටොයිනිස් එක්දින තරග 71කට ක්‍රීඩා කර ඇති අතර තුන් ඉරියව් ක්‍රීඩකයෙකු ලෙස ලකුණු 1495ක් ලබාගෙන සිටිනවා.
ඔහු 2017 දී නවසීලන්තයට එරෙහිව නොදැවී ලකුණු 146ක් ලබා ගැනීම ඔහුගේ එක්දින දිවියේ හොඳම පිතිකරණයයි.
ඊට අමතරව ඔහු කඩුලු 48ක් බිඳ දමා තිබෙනවා.
