පහරදීමක් හේතුවෙන් මියගිය බවට සැක කරන පුද්ගල මළසිරුරක් සම්බන්ධයෙන් මාදම්පේ පොලිසිය විමර්ශන ආරම්භ කර තිබෙනවා.
මෙලෙස මියගොස් ඇත්තේ මාදම්පේ පොලිස් වසමේ මනක්කුලම ප්‍රදේශයේ පදිංචිව සිටි පයාගලගේ දොන් තුසිත කුමාර නමැති 42 හැවිරිදි පුද්ගලයෙක්.
ජීවිතක්ෂයට පත් වූ තැනැත්තා විවාහ නොවී කාන්තාවක් සමග වාසය කර මීට 15 වසරකට පමණ පෙර වෙන් වී ඇති අයෙක් බවත් හෙළි ව තිබෙනවා.
සැකකරුවන්ට දාව දරුවන් සිටින්නේ එම කාන්තාවගෙන් බවයි පොලිසිය පවසන්නේ.
මියගොස් ඇති තැනැත්තා ඊයේ (22) වැනිදා රාත්‍රියේ මනක්කුලම – දෙමටපිටිය ප්‍රදේශයේ දී කිසියම් පුද්ගලයෙකු සමග ආරවුලක් ඇති කරගෙන ඇති බවත් එම අවස්ථාවේ දී පහරදීමක් ද සිදු වී ඇති බවයි.
පහරකෑමට ලක් වූ පුද්ගලයා සිය ඥාති පුතෙකු කැඳවාගෙන ඇති බවත්; පසුව ඔහු වෙළෙඳසැළක් අසල නැවතී ඇති අතර, ඥාති පුතා පිටත්ව ගොස් තිබෙනවා.
මෙම පුද්ගල මළසිරුර හමු ව ඇත්තේ පහරකෑමට ලක් වූ පුද්ගලයා මගින් නැවතුණු වෙළෙඳසැල ඉදිරිපිටදියි.
මෙම මරණය සම්බන්ධයෙන් මහේස්ත්‍රාත් පරීක්ෂණය පැවැත්වීමට නියමිතව තිබෙනවා.
