නැගීඑන ආසියානු කුසලාන 20-20 ක්රිකට් තරගාවලියේ අවසන් මහා තරග සඳහා සුදුසුකම් ලැබීමට පෙරළිකාර ඇෆ්ගනිස්ථාන A කණ්ඩායම ඊයේ (25) රාත්රියේ සමත් වුණා.
ඒ, තරගාවලියේ පැවති දෙවන අවසන් පූර්ව තරගයේ දී ප්රබල ඉන්දීය A කණ්ඩායම ලකුණු 20 කින් පරාජය කරමින්.
මෙම තරගයේ කාසිය වාසිය දිනා පළමුව පන්දුවට පහර දුන් ඇෆ්ගනිස්ථාන A කණ්ඩායම නියමිත පන්දුවාර 20 තුළ කඩුලු 04ක් දැවී 206ක දැවැන්ත ලකුණු පුවරුවක් නිර්මාණය කළා.
අනතුරුව පන්දු 120ක් තුළ ලකුණු 207ක දැවැන්ත ඉලක්කයක් හඹා ගිය ඉන්දීය A කණ්ඩායමට නියමිත පන්දුවාර 20 තුළ කඩුලු 07ක් දැවී රැස්කරගත හැකි වූයේ ලකුණු 186ක් පමණයි.
ඒ, අනුව ලකුණු 20කින් ඉන්දියාව පරාජය කළ ඇෆ්ගනිස්ථානය ඉතිහාසයේ පළමුවරට නැගීඑන ආසියානු කුසලානක අවසන් මහා තරගය සඳහා සුදුසුකම් ලැබුවා.
මෙවර තරගාවලියේ අවසන් මහා තරගය සඳහා සුදුකම් ලැබූ පළමු කණ්ඩායම බවට ශ්රී ලංකා A කණ්ඩායම පත් වුණා.
ඒ, අනුව 2024 නැගීඑන ආසියානු කුසලානයේ හෙට (27) පැවැත්වෙන අවසන් මහා තරගයේ දී ශ්රී ලංකා A කණ්ඩායම සහ ඇෆ්ගනිස්ථාන A කණ්ඩායම එකිනෙකා මුණගැසෙනවා.
