ඉන්දියාවේ නිල සංචාරයක නිරත ජැමෙයිකානු අගමැති ඇන්ඩෘ හෝල්න්ස් සහ නරේන්ද්‍ර මෝදි අතර ද්විපාර්ශ්වික සාකච්ඡා සිදුව තිබෙනවා.
ඉන්දියාව ජැමෙයිකාවේ සංවර්ධන ගමනේ “විශ්වාසනීය හවුල්කරුවෙකු” වී ඇති අතර ඩිජිටල් පොදු යටිතල පහසුකම්, ජෛව ඉන්ධන, නවෝත්පාදන සහ සෞඛ්‍යය ඇතුළු ක්ෂේත්‍රවල විශේෂඥ දැනුම රට සමඟ බෙදා ගැනීමට ඉන්දියව සූදානම් බව අගමැති නරේන්ද්‍ර මෝදි එහිදි පැවසූ බව අග්‍රාමාත්‍ය කාර්යාලය නිවේදනය කළා.
විද්‍යාව, තාක්‍ෂණය, ඉංජිනේරු විද්‍යාව, අධ්‍යාපනය, ඩිජිටල්කරණය, ආරක්ෂාව සහ බලශක්තිය ඇතුළු ක්ෂේත්‍රවල ඉන්දියාව සමග සහයෝගීතාව ශක්තිමත් කිරීමට ජැමෙයිකානු අගමැතිවරයා සිය කැමැත්ත ප්‍රකාශ කර තිබෙනවා.
තමා සහ හොල්නස් කලාපීය හා ගෝලීය ගැටළු ද සාකච්ඡා කළ බවත්, සියලු ආතතීන් සහ ආරවුල් සාකච්ඡා මාර්ගයෙන් විසඳා ගත යුතු බවත්, ගෝලීය සාමය සහ ආරක්ෂාව සහතික කිරීම සඳහා දෙපාර්ශ්වයම අඛණ්ඩව කටයුතු කරන බවත් මෝදි පැවසුවා.
