මෛත්‍රීගේ පුතාත් දිලිත්ගේ දෑත් බඳා ගනියි

හිටපු පාර්ලිමේන්තු මන්ත්‍රිනි රාජිකා වික්‍රමසිංහ සහ දහම් සිරිසේන මව්බිම ජනතා පක්ෂය සමග එක් ව තිබෙනවා.

අද (03) පෙරවරුවේ ඔවුන් පක්ෂය සමග නිල වශයෙන් එක් වූ බවයි වාර්තා වන්නේ.

ඒ, කොළඹ පිහිටි මව්බිම ජනතා පක්ෂ මූලස්ථානයේදීයි.

ශ්‍රී ලංකා පොදුජන පෙරමුණ නියෝජනය කරමින් ජාතික ලැයිස්තුවෙන් පාර්ලිමේන්තු පැමිණි හිටපු පාර්ලිමේන්තු මන්ත්‍රිනි රාජිකා වික්‍රමසිංහ මව්බිම ජනතා පක්ෂයේ කෑගලු දිස්ත්‍රික් සහ දැදිගම සංවිධායකවරිය ලෙස පත් කෙරුණා.

හිටපු ජනපති මෛත්‍රීපාල සිරිසේනගේ පුත්‍රයා වන දහම් සිරිසේන මහතාව පොළොන්නරු දිස්ත්‍රික්කයේ මව්බිම ජනතා පක්ෂ සංවිධායක ලෙස පත් කර ඇති බවයි වාර්තා වන්නේ.