”කොළඹ ප්රධාන මහේස්ත්රාත් තිළිණ ගමගේ මහතා සහ ඔහුගේ පවුලේ අය මරා දමමු” යනුවෙන් මුහුණු පොතේ පළ වූ පෝස්ටුවක් සම්බන්ධයෙන් විමර්ශන කරන ලෙස කොළඹ ප්රධාන මහේස්ත්රාත් තිළිණ ගමගේ මහතා අද (02)අපරාධ පරීක්ෂණ දෙපාර්තමේන්තුවේ නියෝජ්ය පොලිස්පතිවරයාට සහ අධ්යක්ෂකවරයාට පැමිණිලි කර තිබෙනවා.
ඉසුරු සුරවීර යන පුද්ගලයෙක් මෙම පෝස්ටුව මුහුණු පොතේ ඊයේ (01) පළ කර තිබුණු අතර ඒ සම්බන්ධයෙන් මෙම පැමිණිල්ල සිදු කර ඇති බවයි වාර්තා වන්නේ.
පාතාලයේ ප්රබලයන් දෙදෙනෙකු වන හොකී කටා සහ කුඩු සළිදු සම්බන්ධයෙන් ලබා දුන් නියෝග සම්බන්ධයෙන් විවේචනය කරමින් මින් පෙර ද අවස්ථා ගණනාවක දී මහේස්ත්රාත් තිළිණ ගමගේ මහතා මරණ බව කියමින් තර්ජනාත්මක ලිපි යොමු කර තිබූ අතර ඊට අදාළ විමර්ශන සිදු කිරීමෙන් අනතුරුව මහේස්ත්රාත්වරයාගේ ආරක්ෂාව තර කිරීමටයි පියවර ගැනුණේ.
”මෝඩාභිමානය” නමැති ප්රහසන වැඩසටහනක දී බෞද්ධාගමට අපහාස වන අයුරින් අදහස් දක්වමින් වීඩියෝවක් අන්තර්ජාලයට මුදාහැරි බව කියන නතාෂා එදිරිසූරියට අසත්ය චෝදනා යටතේ නඩු පැවරීම හේතුවෙන් මෙම පෝස්ටුව පළකර ඇති අතර මහේස්ත්රාත්වරයා සහ ඔහුගේ පවුලේ අය මරා දැමීමට මෙම පුද්ගලයා ඉන් යෝජනා කර තිබෙනවා.
wpDiscuz
