විදේශීය නිෂ්පාදිත දුම්වැටි තොගයක් සහ විද්යුත් දුම්වැටි නැවත පුරවා ගැනීම සඳහා භාවිතා කරන රසායනික ද්රව්ය තොගයක් නීතිවිරෝධී ලෙස මෙරටට රැගෙන ආ ගුවන් මගියෙක් අද (14) දින කටුනායක ගුවන් තොටුපොළ පැමිණීමේ පර්යන්තයේ දී රේගු නිලධාරීන් විසින් අත්අඩංගුවට ගෙන තිබෙනවා.
එම දුම්වැටි තොගයේ වටිනාකම රුපියල් කෝටි දෙකක් පමණ වන බවයි වාර්තා වන්නේ.
අත්අඩංගුවට ගත් තැනැත්තා මරදාන ප්රදේශයේ පදිංචි ව්යාපාරිකයෙක් බවයි අනාවරණය වී ඇත්තේ.
ඔහු අද (14) දින ඩුබායි සිට ශ්රී ලන්කන් ගුවන් සේවයේ යූ.එල්.- 226 දරණ ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔහු විසින් ” මැන්චෙස්ටර් ” වර්ගයේ දුම්වැටි 120,400 ක් අඩංගු කාටූන් 602ක් මෙරටට රැගෙන විත් තිබෙනවා.
අත්අඩංගුවට ගත් පුද්ගලයා සහ දුම්වැටි තොගය සම්බන්ධයෙන් රේගු නිලධාරීන් විසින් වැඩිදුර පරීක්ෂණ පවත්වනවා.
