ශ්‍රී ලංකා – එංගලන්ත තරග තුනකින් සමන්විත ටෙස්ට් තරගාවලියට පෙර පැවැත්වෙන; පුහුණු ටෙස්ට් තරගයේ තෙවැනි දිනය අදයි.
මේ අතර ඔස්ට්‍රෙලියා කාන්තා බිග්බෑෂ් තරගාවලියට ක්‍රීඩා කිරීමට ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු සිඩ්නි තන්ඩර්ස් සමග යළිත් ගිවිසුම්ගත වී තිබෙනවා.
එංගලන්තයේ වෝර්කෙස්ටර් හි දී පැවැත්වෙන මෙම තරගයේ සිය පළමු ඉනිම ක්‍රීඩා කළ එංගලන්ත ලයන්ස් කණ්ඩායම සියලු දෙනා දැවී ලකුණු 324ක් ලබා ගත්තා.
ශ්‍රී ලංකා කණ්ඩායම මේ වනවිට සිය දෙවැනි ඉනිම අරඹා ඇති අතර; ඔවුන් පළමු ඉනිමට ලබා ගත්තේ ලකුණු 139ක් පමණයි.
Hamza Shaikh (හම්සා ශීක්) එංගලන්ත ලයන්ස් කණ්ඩායම වෙනුවෙන් පළමු ඉනිමට ලකුණු 91ක් ලබාගත් අතර; Kasey Aldridge ලකුණු 78ක් ලබාගත්තා.
කඩුලු බිඳ දැමීමේ දී ශ්‍රී ලංකා කණ්ඩායම වෙනුවෙන් ප්‍රභාත් ජයසූරිය ලකුණු 102කට කඩුලු 05ක් ද, කසුන් රාජිත කඩුලු 02ක් සහ ළහිරු කුමාර හා මිලාන් රත්නායක අතරේ එක් කඩුල්ල බැගින් ද බිඳී ගියා.
හෙට තරගයේ සිව්වැනි දිනය වන අතර ශ්‍රී ලංකා කණ්ඩායම එංගලන්ත ලයන්ස් පළමු ඉනිමට වඩා තවත් ලකුණු 175ක් පසුපසින් සිටිනවා.
මේ අතර ඔස්ට්‍රෙලියානු කාන්තා බිග්බෑෂ් ක්‍රිකට් තරගාවලියේ සිඩ්නි තන්ඩර්ස් කණ්ඩායම වෙනුවෙන් ක්‍රීඩා කිරීමට ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු ගිවිසුම්ගත වී තිබෙනවා.
සිඩ්නි තන්ඩර්ස් කණ්ඩායමේ සිටින සිව්වැනි ජාත්‍යන්තර ක්‍රීඩිකාව වන්නේ ද චමරි අතපත්තුයි.
ඇය පසුගිය වසරේ පැවති බිග්බෑෂ් තරගාවලියේ දී තන්ඩර්ස් වෙනුවෙන් ක්‍රීඩා කර ලකුණු 552ක් සහ කඩුලු 09ක් බිඳ හෙලීමට සමත් වුණා.
චමරි අතපත්තු සිඩ්නි තන්ඩර්ස්වරුන් සමග එක් වූයේ ආදේශක ක්‍රීඩිකාවක් ලෙසින් වුව ද; පසුව ඇය එම තරගාවලියේ දක්ෂතම ක්‍රීඩිකාව ලෙසින් ද සම්මානයට පාත්‍ර වුණා.
