සුරේන්ද්‍ර වසන්ත නොහොත් ක්ලබ් වසන්ත ඇතුළු දෙදෙනෙක් අතුරුගිරිය ප්‍රදේශයේ දී වෙඩි තබා ඝාතනය කළ සිද්ධියේ ප්‍රධාන සැකකරුවන දුලාන් සංජය හෙවත් ටැටූ දුලාන් නැමැත්තාට අධිකරණය හමුවේ රහස් ප්‍රකාශයක් සිදුකිරීමට අවශ්‍ය බව ඔහුගේ නීතිඥයින් අද (22) කඩුවෙල මහේස්ත්‍රාත් අධිකරණය දැනුම් දී තිබෙනවා.
ඒ, අනුව ඔහුගේ එම රහස් ප්‍රකාශය අද (22) දහවල් 12.00න් පසු ලබාගැනීමට අධිකරණය නියෝග කර ඇති බවයි අප වාර්තාකරු සඳහන් කළේ.
ක්ලබ් වසන්ත ඇතුළු දෙදෙනෙක් ඝාතනය කිරීමේ සිද්ධියට අදාළව ටැටූ දුලාන් ඇතුළු සැකකරුවන් 07 දෙනෙක් අද (22) පෙරවරුවේ කඩුවෙල මහේස්ත්‍රාත් අධිකරණය වෙත රැගෙන ආවා.
මේ අතර මෙම සිද්ධියට පෙරේදා දින අත්අඩංගුවට ගැනුණු 21 හැවිරිදි තරුණිය ද අද දින කඩුවෙල මහේස්ත්‍රාත් අධිකරණය වෙත රැගෙනවිත් සිටි ආකාරය දැකගත හැකි වුණා.
මෙම තරුණිය දුලාන් සංජය නැමැත්තාගේ ඥාතියෙක් බව සඳහන්.
ඔබේ ප්‍රතිචාරය කුමක්ද ?
+1
+1
+1
2
+1
+1
1
+1
1
+1
