ජාතික ජන බලවේගයේ නායක අනුර කුමාර දිසානායක සහ ශ්රී ලංකාවේ ජපාන තානාපති මිසුකෝෂි හිඩෙකි අතර හමුවක් අද (19) සිදු වුණා.
ඒ, ජනතා විමුක්ති පෙරමුණ ප්රධාන කාර්යාලයේ දීයි.
ශ්රී ලංකාවේ මේ වන විට පවතින ආර්ථික අර්බුදය සහ දේශපාලන තත්ත්වය පිළිබඳව මෙහිදී දීර්ඝ ලෙස සාකච්ඡාවට ලක්ව තිබෙනවා.
එමෙන්ම එළඹෙන ජනාධිපතිවරණය පිළිබඳව ද අවධානය යොමුව අත්ගි අතර, ජාත්යන්තර මූල්ය අරමුදලේ මැදිහත්වීම් පිළිබඳව ද මෙම හමුවේ දී ජාතික ජන බලවේගයේ ස්ථාවරය පැහැදිලි කර ඇති බව සඳහන්.
මෙම හමුව සඳහා ජපාන තානාපති කාර්යාලයේ නියෝජ්ය ප්රධානි කට්සුකි කොටාරෝ, දෙවන ලේකම් ඉමායි කඔරි සහ ජාතික ජන බලවේගයේ විධායක සභික විජිත හේරත් ද එක්ව සිටියා.
