කාසල්රී වාන් දැමෙයි – වික්ටෝරියා ජලාශයත් උතුරා යයි

මධ්‍යම කඳුකරයේ බටහිර බෑවුම් ප්‍රදේශයන්ට පවතින අධික වැසි තත්ත්වය මත කාසල්රී ජලාශය වාන් දැමීම මේ වනවිට ආරම්භ වී තිබෙනවා.

මෙම තත්ත්වය පිළිබඳ ව කරන ලද විමසිමක දී අදහස් දැක්වූ එම ජලාශ භාර නිලධාරියකු පවසන ලද්දේ එම ප්‍රදේශයන්ට සවස් කාලයන් තුළ දී ඇද හැලෙන අධික වැසි හේතුවෙන් ජලාශයේ ජලය පිරී වාන් දැමීම ආරම්භ වී ඇති බවයි.

මෙම ජලාශයේ ජලය අඟල් දෙකක් පමණ ඉහළින් වාන් දැමීම සිදුවන බවත් මේ වන විට මෙම ජලාශයේ ජලය ජල විදුලිය නිපදවීමට අදාළ ජල විදුලි බලාගාර සඳහා උපරිම ලෙස බෙදා හැරීම සිදු කරන බව ද එම නිලධාරියා වැඩිදුරටත් සඳහන් කළා.

මේ අතර, ඊයේ රාත්‍රියේ දී ඉහළ වික්ටෝරියා වේල්ල කලාපයට ඇදහැලුණු ධාරානිපාත වර්ෂාවෙන් වික්ටෝරියා ජලාශය උතුරා ගොස් තිබෙනවා.

එහි ඡායාරූප මේ වනවිට සමාජ මාධ්‍යයේ පවා සංසරණය වන ආකාරය දැකිය හැකියි.