රණතුංග – රාජපක්ෂ පවුලට අයත් යැයි කියන මෙරට ප්රසිද්ධ පාවහන් සමාගමේ අධ්යක්ෂවරුන් අතර ආරවුල තවදුරටත් අධිකරණයේ විමසුමට ලක් කිරීමට තීරණය කර තිබෙනවා.
අධිකරණයට අපහාස කිරීමට එරෙහි ව පියවර නොගැනීමට හේතු හා විරෝධතා ඇත්නම් මාසයක් ඇතුළත දැනුම් දෙන්නැයි කොළඹ වාණිජ මහාධිකරණය ප්රසිද්ධ පාවහන් සමාගමක කළමනාකාර අධ්යක්ෂවරයා ඇතුළු අධ්යක්ෂවරුන් පස්දෙනෙකුට හා සමාගමේ ලේකම්වරියට අද නියෝග කරමින් දන්වා සිටි බවයි වාර්තා වන්නේ.
අදාළ පාවන් සමාගමේ කළමනාකාර අධ්යක්ෂ කසුන් රාජපක්ෂ සහ තුසිත රාජපක්ෂ, භාතිය අමරකෝන්, අසංක රාජපක්ෂ, නෙලානි රාජපක්ෂ සහ සමාගම් ලේකම් වරුණි ද සිල්වා යන වගඋත්තරකරුවන්ට මෙම නියෝගය නිකුත් කෙරුණා.
පාවහන් සමාගමේ අධ්යක්ෂකවරයකු ලෙස කටයුතු කරන සජිත් රාජපක්ෂ යන අයට එම තනතුරුවල කටයුතු කිරීමට බාධා නොකර සිටින ලෙසට ද අධිකරණය නිකුත් කළ නියෝගය වගඋත්තරකරුවන් විසින් කඩ කර ඇතැයි ඔහුගේ නීතිඥවරයා කළ කරුණු දැක්වීමෙන් පසුව වාණිජ මහාධිකරණ විනිසුරු ප්රියන්ත ප්රනාන්දු මෙම නියෝගය නිකුත් කරනු ලැබුවා.
සමාගම් කිහිපයක අධ්යක්ෂකවරයා ලෙස කටයුතු කරන සජිත් රාජපක්ෂ සිය සේවාදායකයා තම සේවය උපරිම අයුරින් ඉටු කර ඇති බව ද,ජනාධිපති නීතීඥ චන්දක ජයසුන්දර පෙන්වා දී තිබෙනවා.
මෙම අපහාස නඩුව හා ඊට සම්බන්ධ නඩු තුනක් ඊයේ කොළඹ වාණිජ මහාධිකරණය හමුවේ කැඳවනු ලැබූ අවස්ථාවේදීයි මෙම තීන්දුව ලබා දුන්නේ.
ජනාධිපති නීතිඥවරුන් වන රොමේෂ් ද සිල්වා, නවීන් මාරපන, ජ්යේෂ්ඨ නීතිඥ සුගත්කල්දේරා ඇතුළු නීතිඥ මණ්ඩලයක් මෙම නඩු සඳහා පෙනී සිටියා.
අදාළ නඩු ලබන 04 හා 15 වැනි දින යළි කැඳවීමටයි විනිසුරුවරයා නියෝග කළේ.
