යුද හමුදාවට අයත් වෑන් රථයක් අනතුරට පත්වීමෙන් එහි ගමන් කරමින් සිටි යුද හමුදා නිලධාරියෙකු ජීවිතක්ෂයට පත් ව තිබෙනවා.
ආරංචි මාර්ග සඳහන් කරන්නේ මෙම අනතුර සිදු ව ඇත්තේ දඹුල්ල – ඉනාමළුව – අවුඩංගාව ප්‍රදේශයේ දී බවයි.
දඹුල්ලේ සිට හබරණ දෙසට ධාවනය වූ යුද හමුදාවට අයත් වෑන් රථයක් එම දිසාවට ම ධාවනය වූ ටිපර් රථයකට ඉස්සර කිරීමට යෑමේ දී ටිපර් රථයේ පිටුපස ගැටී අනතුර සිදු ව තිබෙනවා.
අනතුර අද අලුයම 02ට පමණ සිදු ව ඇති බවයි වාර්තා වන්නේ.
අනතුරින් වෑන් රථයේ රියදුරු සහ යුද හමුදා නිලධාරීන් තිදෙනෙක් තුවාල ලබා දඹුල්ල රෝහලට ඇතුළත් කිරීමේ දී වම්පස ඉදිරි අසුනේ සිටි නිලධාරියා ජීවිතක්ෂයට පත් ව තිබෙනවා.
එලෙස මියගොස් ඇත්තේ, 32 හැවිරිදි ත්‍රිකුණාමලය ප්‍රදේශයේ පදිංචිකරුවෙක්.
අනතුර සම්බන්ධයෙන් ටිපර් රථයේ රියදුරු අත්අඩංගුවට ගෙන ඇති අතර, සීගිරිය පොලිසිය විමර්ශන සිදු කරනවා.
ඔබේ ප්‍රතිචාරය කුමක්ද ?
+1
+1
1
+1
+1
1
+1
2
+1
4
+1
1
