ක්‍රිකට් හදන සැලසුම අර්ජුන කියයි (වීඩියෝ)

රටට ආදරය කරන ක්‍රීඩකයින් හදාගැනීම තම අරමුණ වී ඇති බව ක්‍රිකට් අතුරු කමිටුවේ සභාපති ධුරයට පත්කළ හිටපු ක්‍රිකට් නායක අර්ජුන රණතුංග පවසනවා.

අද (06) පෙරවරුවේ ක්‍රීඩා අමාත්‍යාංශ පරිශ්‍රයේ දී මාධ්‍ය වෙත අදහස් දක්වමින් සභාපතිවරයා මේ බව සඳහන් කළා.

එහිදී වැඩිදුරටත් අදහස් දැක් වූ ඔහු සඳහන් කර සිටියේ ක්‍රිකට් කණ්ඩායම සහ ආයතනය මෙරට ප්‍රේක්ෂකයින් ආදරය කරන තැනක් බවට පත් කිරීම ද තම අරමුණ වී ඇති බවයි.

මේ අතර වංචා සහ දූෂණය සිදුකර ඇති බවට කිසිඳු ආකාරයේ ඇඟිල්ලක් දිගු කිරීමට නොහැකි සාමාජිකයින් පිරිසක් අමාත්‍යවරයා විසින් මෙම අතුරු කමිටුවට පත්කර ඇති බව ද සභාපතිවරයා සඳහන් කර සිටියා.