පාස්කු ඉරිදා ත්‍රස්ත ප්‍රහාරය සම්බන්ධයෙන් විමර්ශනය කිරීමට තවත් කමිටු පත් කිරීම ඇස් බැන්දුමක් පමණක් බව අගරදගුරු අති උතුම් මැල්කම් කාදිනල් රංජිත් හිමිපාණන් පවසනවා.
කළුතර කලමුල්ල ශාන්ත මරියා දේවස්ථානයේ පැවති වැඩසටහනකට එක්වෙමින් උන්වහන්සේ සඳහන් කළේ මීට පෙර පත් කළ පාර්ලිමේන්තු තේරීම් කාරක සභාවල වාර්තාවල නිර්දේශ ක්‍රියාත්මක කිරීමකින් තොරව තවත් කමිටු පත් කිරීම ඵල රහිත ක්‍රියාවක් බවයි.
මෙහි ප්‍රධාන දේශනය පවත්වමින් උන්වහන්සේ කියා සිටියේ වත්මන් පාලනය විසින් මෙරට කතෝලික ජනතාව රවටමින් සිටින බවයි.
පාස්කු ප්‍රහාරය සම්බන්ධයෙන් ජනාධිපතිවරයාගේ ක්‍රියාකලාපය සම්බන්ධයෙන් දැඩි ලෙස කණගාටු වන බව ද කාදිනල් හිමිපාණන් ප්‍රකාශ කළා.
චැනල් ෆෝ සිද්ධියට විමර්ශනයක් සිදු කිරීමකින් තොරව විශ්‍රාම ගිය විනිසුරුවන් කමිටුවකට පත්කිරීම හාස්‍යජනක වන අතර ජනාධිපතිවරයා සිදු කළ යුත්තේ ජනාධිපති කොමිසමෙන් ලබාදුන් තීන්දු තීරණ ක්‍රියාත්මක කිරීම බවයි උන්වහන්සේ කියාසිටියේ.
