කැලණිමුල්ල වීදියබණ්ඩාර මාවත ප්‍රදේශයේදී අලුත උපන් බිළිඳෙකු ඇලකට දැමූ අඹු සැමි යුවළක් පොලිස් අත්අඩංගුවට ගෙන තිබෙනවා.
සැකකාරිය දරු ප්‍රසූතියෙන් පසු බිළිඳා නිවස අසල ඇති ඇළක් අසලට විසි කර ඇති බවටයි පොලිස් පරීක්ෂණවලදී අනාවරණ වී ඇත්තේ.
ඊයේ රාත්‍රී මෙම දරුවා ප්‍රසූත කළ කාන්තාව නිවස අසල තිබූ ඇල අසල දමා ගොස් ඇති අතර කබරයෙකු එම බිළිඳු සිරුර ආහාරයට ගනිමින් සිටියදීයි ප්‍රදේශවාසී කාන්තාවක් දැක පොලිසිය දැනුවත් කර ඇත්තේ.
වනාතමුල්ල සහස්පුර ප්‍රදේශයේ පදිංචි 26 හැවිරිදි සැකකාරිය විවාහ වී සිටින පුද්ගලයාගේ කැලණිමුල්ලේ පිහිටි නිවසේදී දරු ප්‍රසූතිය සිදුව තිබෙනවා.
සැකකාර යුවළ මත්ද්‍රව්‍ය භාවිතයට තදින් ඇබ්බැහි වී සිටින දෙදෙනෙකු බවයි පොලිස් පරීක්ෂණවලදී හෙළිවී ඇත්තේ.
සැකකාර කාන්තාව පොලිස් අත්අඩංගුවට ගෙන රෝහල් ගතකර ඇති අතර ඇයගේ සැමියා ද පොලිස් අත්අඩංගුවට ගෙන තිබෙනවා.
මුල්ලේරියාව පොලිසියයි විමර්ශණ සිදු කරන්නේ.
