රාජාභිෂේකය වෙනුවෙන් අමුත්තන් ඇබේ දේවස්ථානයට (ඡායාරූප)

බ්‍රිතාන්‍ය චාල්ස් කුමරු, තුන්වන චාල්ස් රජු ලෙස රාජාභිෂේක ගැන්වීම හේතුවෙන් අද දිනයේ සියලු දෙනාගේ අවධානය බ්‍රිතාන්‍ය රජ පවුල දෙසට යොමු වී තිබෙනවා.

මේ වනවිටත් එම උත්සවය සඳහා සහභාගී වන ආරාධිත අමුත්තන් ලන්ඩනයේ වෙස්ට්මිනිස්ටර් ඇබේ දේවස්ථානයට වෙත පැමිණෙමින් සිටින බවයි බී.බී.සී පුවත් සේවය වාර්තා කළේ.

චාල්ස් කුමරුගේ රාජාභිෂේක උත්සවය මෙරට වේලාවෙන් පස්වරු 2.50ට ආරම්භ වීමට නියමිතව තිබෙනවා.

මේ සඳහා රජ පවුලේ සාමාජිකයින් මෙන්ම ලොව නන්දෙසින් ආරාධිතයින් 2,300ක් එක්වීමට නියමිත බවයි තොරතුරු වාර්තා වුණේ.

මේ අතර රාජාභිෂේකය පැවැත්වෙන ලන්ඩනයේ වෙස්ට්මිනිස්ටර් ඇබේ දෙව්සස්ථානය සහ ඒ අවට ප්‍රදේශවලය දැඩි ආරක්ෂාවක් යොදවා ඇති බවයි වාර්තා වන්නේ.

විදෙස් මාධ්‍ය වැඩිදුරටත් තොරතුරු වාර්තා කළේ මෙම රාජාභිෂේකයට විරෝධය පළකරමින් කටයුතු කළ රාජාණ්ඩු විරෝධී පුද්ගලයින් 06 දෙනෙකු මේ වනවිට අත්අඩංගුවට ගෙන ඇති බවයි.