කළුතර තිස්ස ජාතික පාසල සහ කළුතර මහා විද්යාලය අතර පැවැති ‘මැංගුස් සටන’ වාර්ෂික ක්රිකට් තරගය අවසානයේ දී ගැටුමක් හටගෙන තිබෙනවා.
මෙම ගැටුම අතර තුර ක්රිකට් පිති ප්රහාරයට ලක්වූ කළුතර තිස්ස විද්යලයේ ක්රිකට් කණ්ඩායමේ උප නායකයා බරපතළ තුවාල ලබා රෝහල් ගතකර ඇති බවයි පයාගල පොලිසිය පැවසුවේ.
පාසල් දෙක අතර 13 වන වතාවට මග්ගෝන සරේ ක්රීඩා පිටියේදී පැවති එක්දින තරගය කළුතර මහා විද්යාලය ජයග්රහණය කිරීමත් සමඟ පරාජිත කළුතර තිස්ස ජාතික පාසලේ සිසුන් පිටිය මැද සවිකර තිබූ විකට් පොලු ගලවා ගැනීමත් සමඟම මෙම ගැටුම සිදුව ඇති බවයි පොලිස් විමර්ශනවලදී අනාවරණය වී ඇත්තේ.
එම ගැටුම අතර තුර හිසට වැදුණු තදබල පහරක් හේතුවෙන් බරපතළ තුවාල ලැබූ කළුතර තිස්ස ජාතික පාසලේ ක්රිකට් උපනායකයා කළුතර නාගොඩ මහරෝහලේ දැඩි සත්කාර ඒකකයේ ප්රතිකාර ලබන බවයි වාර්තා වුණේ.
තරඟය නැරඹීම සඳහා දෙපිළේම 4000 පමණ පිරිසක් ක්රීඩාංගණයේ සිට ඇති බවට විමර්ශනවල දී වැඩිදුරටත් අනාවරණය වී තිබෙනවා.
