එස්. අයි. ගමන් බෑග් එක පුච්චලා.. තිබුණේ ගේ පිටිපස්සෙ..

කුරුවිට තරුණීයගේ සිරුර වේල්ලවීදියට ගෙනැවිත් දැමු සැකකාර උප පොලිස් පරික්ෂකවරයා බඩගම මෙහෙරගොඩ පිහිටි සිය නිවස පිටුපස ගමන් බෑගයක් පුළුස්සා දමා තිබියදී පොලිසිය විසින් එහි කොටස් ඊයේ (05 වැනිදා) සොයාගෙන ඇත.

සැකකාර උප පොලිස් පරික්ෂකවරයා විසින් පුළුස්සා දමන ලද බෑගයේ තරුණීයගේ හිස කොටස තිබුණේද යන්න සොයා විමර්ශනයක් ආරමිභ කර තිබේ. මේ අතර සැකකරුගේ නිවස අවට ප්‍රදේශය පුරා විශේෂ පොලිස් කණ්ඩායම් කීපයක් ඊයේ දවස පුරා විශේෂ මෙහෙයුමක් ක්‍රියාත්මක කරමින් තරුණියගේ හිස කොටස සෙවීමට කටයුතු කළ බව මොනරාගල කොට්ඨාස භාර ජ්‍යෙෂ්ඨ පොලිස් අධිකාරි හේමන්ත ඕවිටිගම මහතා පැවසීය.

මේ වනවිට සිදුකර ඇති විමර්ශනවලට අනුව සැකකාර උප පොලිස් පරික්ෂකවරයා තරුණීයගේ සිරුරේ කවන්ධය සහිත ගමන් බෑගය වේල්ලවීදිය ප්‍රදේශයේ අතහැර දමා පසුව ඔහු ඇඳ සිටි ඇඳුම් කිසියම් ස්ථානයකදී මාරු කර සුදු පැහැ ටීෂර්ට් එකකින් සැරසී පිටකොටුවෙත් මොනරාගල බලා යන බස් රථයකට ඉකුත් 01 වැනිදා සවස 4.30 ට නැග තිබුනි.

සැකකරු මෙම බස් රථයට ගොඩවන ආකාරය සීසීටීවී දර්ශන වලින් පොලිසිය සොයාගෙන තිබේ. උප පොලිස් පරික්ෂකවරයා රැගත් බස් රථය රත්නපුර මාර්ගය ඔස්සේ මොනරාගල බලා ධාවනය වී ඇති අතර පැල්මඩුල්ල ප්‍රදේශයේ වෙළෙඳසලක් අසල රාත්‍රි තේ පානය කිරීමට නතර කර ඇත.

බස් රථය නතර කර තැබූ ආපනශාලාව පොලිසිය විසින් සොයාගෙන ඇති අතර ඒ අවට ප්‍රදේශය ද පරික්ෂාවට ලක්කර ඇති අතර තරුණියගේ හිස පිළිබඳව කිසිදු තොරතුරක් ලැබී නොතිබිණි. මෙම බස් රථය එදින රාත්‍රි 11.45 ට පමණ බුත්තල නගරයට පැමිණ ඇති අතර සැකකරු ඉන් බැස ගොස් තිබේ. එහිදී සැකකරු තම මිතුරකුට දුරකථනයෙන් කතාකර ඔහු බුත්තල නගරයට ගෙන්වාගෙන ඔහුගේ යතුරුපැදියේ නැගී කිලෝමීටර් 9 ක් දුරින් පිහිටි බඩල්කුඹුරේ නිවස වෙත ගොස් ඇත.

සැකකරු නිවසට ගිය අවස්ථාවේ එහි දොර විවෘත කර ඇත්තේ ඔහුගේ වැඩිමහල් දියණිය විසින්ය. පසුව ඔහු ඇගපත සෝදා ගැනීමට නාන කාමරය වෙත ගිය අවස්ථාවේ බිරිඳ සහ දියණිය ඔහු ගෙන ආ ගමන් බෑගය පරීක්ෂා කර ඇත. ඒ අවස්ථාවේ ජංගම දුරකථනයක් චාජර් කීපයක් සහ විශාල හිස් ගමන් මල්ලක් එම බෑගය තුළ තිබූ බව සැකකරුගේ බිරිඳ පොලිසියට ප්‍රකාශ කර ඇත.

සැකකාර උප පොලිස් පරික්ෂකවරයාගේ සොහොයුරියක් ද මීට මාස කීපයකට උඩදි සියදිවි හානිකරගෙන තිබූ බව පොලිස් විමර්ශනවලින් හෙළිවිය. අනියම් සම්බන්ධයක් දුරදිග යැම ඇය සියදිවි නැතිකර ගැනීමට හේතුවී තිබූ බව ද පොලිසිය පවසයි. මේ අතර සැකකරු පදිංචි නිවස ආසන්නයේ පිහිටි අතහැර දැමූ පාළු ළිඳකට තරුණියගේ හිස දමන්නට ඇති බවට මතුවූ සැකය නිසා එම ළිඳ පරික්ෂා කිරිමට පොලිසිය ඊයේ සවස කටයුතු කරමින් සිටියහ.

සම්බන්ධිත පුවත්..

බුත්තල SI ට පොලිස් ගෞරව නෑ.. මිනියට නිල ඇදුම් අන්දවන්නෙත් නෑ..