මහජන උපයෝගිතා කොමිෂන් සභාවේ සභාපති ජනක රත්නායක එළඹෙන පළාත් පාලන මැතිවරණයේ දී හෙලිකොප්ටරය හෝ දුරකථනය නියෝජනය කරන පක්ෂවල ජාතික ලැයිස්තුවෙන් ඉදිරිපත්වීමේ සැලසුමක් ඇති බව විදුලිබල හා බලශක්ති අමාත්‍ය කංචන විජේසේකර හෙළි කළා.
ඒ, විදුලිබල හා බලශක්ති අමාත්‍යාංශයේ අද (29) පෙරවරුවේ පැවති විශේෂ මධ්‍ය හමුවකට එක්වෙමින්.
මෙම මධ්‍ය හමුවේදී අමාත්‍යවරයා වැඩිදුරටත් සඳහන් කර සිටියේ මහජන උපයෝගීතා කොමිසමේ සභාපතිවරයා ඉවත්කිරීමට අදාළ චෝදනා පත්‍රය මේ වනවිට සකස් කර අවසන් බවයි.
එය එළඹෙන 08 වනදා රැස්වෙන පාර්ලිමේන්තුව වෙත ඉදිරිපත් කිරීමට ද බලාපොරොත්තු වන බවයි ඔහු වැඩිදුරටත් සඳහන් කර සිටියේ.
