දේපළ සොරකම් කිහිපයකට සම්බන්ධ සැකකරුවන් තුන්දෙනෙකු හෙරොයින් සමග පොලිස් අත්අඩංගුවට ගෙන තිබෙනවා.
ඊයේ (21) සවස මොරගහහේන පොලිසියට ලැබුණු තොරතුරකට අනුව වැටලීමක් සිදු කර හෙරොයින් ග්‍රෑම් 7යි මිලිග්‍රෑම් 300ක් සහ ග්‍රෑම් 8යි මිලිග්‍රෑම් 100ක් ළග තබාගෙන සිටි සැකකරුවන් දෙදෙනෙකු අත්අඩංගුවට ගෙන තිබුණා.
ඊට අමතරව හොරණ මහේස්ත්‍රාත් අධිකරණය මගින් වරෙන්තු නිකුත් කර ඇති සැකකරුවෙකු ද එහිදී අත්අඩංගුවට පත්වී ඇති බවයි පොලිසිය සඳහන් කළේ.
අනෙක් සැකකරුවන් දෙදෙනාට ද එම අධිකරණය මගින් වරෙන්තු නිකුත් කර ඇතැයි අනාවරණ වී තිබෙනවා.
ගෝනපොල සහ පලන්නොරුව ප්‍රදේශවල පදිංචි සැකකරුවන් අවුරුදු 29 සහ 36 වයස්වල පසුවන්නන්.
මෙම පුද්ගලයන්ගෙන් කළ ප්‍රශ්ණ කිරීම්වලදී මොරගහහේන සහ හොරණ පොලිස් වසම්වල සිදු කරන ලද බල අපරාධ කිහිපයක් සම්බන්ධයෙන් අවශ්‍ය කර සිටි අය බවටයි හෙළිවී ඇත්තේ.
අත්අඩංගුවට ගත් පුද්ගලයන් අද හොරණ මහේස්ත්‍රාත් හමුවට ඉදිරිපත් කිරීමට නියමිත අතර මොරගහහේන පොලිසිය පරීක්ෂණ සිදු කරනවා.
