ප්රකට ව්යාපාරික දිනේෂ් ශාෆ්ටර් සියදිවි හානි කරගත්තේ දැයි යන්න සම්බන්ධව ඔහුගේ අභිරහස් මරණය සම්බන්ධයෙන් විමර්ශන සිදුකරන නිලධාරීන්ගේ දැඩි අවධානය මේ වනවිට යොමුව ඇති බව වාර්තා වනවා.
නේෂ් ශාෆ්ටර් තමන්ගේ බිරිඳගේ මවට ලියන ලදැයි කියන ලිපියක් මුල් කරගෙන විමර්ශන සිදුකරන නිලධාරීන්ගේ අවධානය ඊට යොමුව ඇති බව සඳහන්.
එමෙන්ම ඔහු විසින් ඇයට යවන ලද හැඟීම්බර අදහස් අඩංගු කෙටි පණිවුඩයක් සම්බන්ධයෙන් ද විමර්ශකයන් පරීක්ෂණ පවත්වන බවයි පොලිසිය සඳහන් කළේ.
එමෙන්ම සිද්ධිය සිදු වූ දින දිනේෂ් ශාෆ්ටර් ගමන්ගත් මෝටර් රථයේ කිසිවෙකු ගමන් නොකළ බවට සී.සී.ටී.වී. දර්ශනවල පැහැදිලි සාක්ෂි ඇතත් එහි තිබූ කිසියම් දෙයක් සම්බන්ධයෙන් දීර්ඝ විමර්ශනයක් කරන බව උසස් පොලිස් නිලධාරියෙක් සඳහන් කළා.
දිනේෂ් ශාෆ්ටර් පසුගිය 15 වනදා තම බිරිඳ සමඟ එංගලන්තය බලා යාමට හෝරා කිහිපයක් තිබිය දී බොරැල්ල සුසාන භූමියේ මෝටර් රථය තුළ සිටිය දී දිනේෂ් ශාෆ්ටර් සොයාගත්තා.
එහිදී ඔහුගේ දෙඅත් පටියකින් බැඳී ගෙළ වයරයකින් සිරව තිබූ බවයි අනවරණය වුණේ.
අනතුරුව ඔහු කොළඹ ජාතික රෝහලට ඇතුළත් කර ඇති අතර, ඉන් පැය කිහිපයකට පසු ඔහු මියගිය බවයි දැනගන්නට ලැබුණේ.
මේ අතර දිනේෂ් ශාෆ්ටර්ගේ අභිරහස් මරණය සම්බන්ධයෙන් මේ වනවිට පවුලේ සමීපතමයන් කිහිප දෙනෙකු ඇතුළු පුද්ගලයන් 70කින් පමණ ප්රකාශ ලබාගෙන තිබෙනවා.
එමෙන්ම සී.සී.ටී.වී. දර්ශන 70ක පමණ දර්ශන පරීක්ෂාවට ලක්කර ඇති බවයි පොලිස් ආරංචිමාර්ග සඳහන් කළේ.
අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ ඒකකය මෙම අභිරහස් සිදුවීම සම්බන්ධයෙන් පරීක්ෂණ පවත්වනු ලබනවා.
