දිවෙන් ඉඳුල් ඉවත් කරන දඬුවම දුන් විදුහල්පතිනියට ස්ථාන මාරුවක් (වීඩියෝ)

ආහාර ගැනීමෙන් පසු මේසය මත වැටී තිබූ බත් ඇට සිසුන්ගේ දිවෙන් ඉවත් කිරීමේ දඬුවමක් ලබා දෙන අයුරු දැක්වෙන වීඩියෝවක් ඊයේ සමාජ මාධ්‍යයේ සංසරණය වුණා.

මාතර – දික්වැල්ල අධ්‍යාපන කොට්ඨාසයට අයත් ගොඩඋඩ ප්‍රදේශයේ පාසලක විදුහල්පතිනියක් විසින් මෙම දඬුවම අදාල සිසුන් පිරිසට ලබාදී ඇති බවයි පසුව තොරතුරු වාර්තා වුණේ.

කෙසේ වෙතත් අදාළ විදුහල්පතිනියට වහාම ක්‍රියාත්මක වන පරිදි මාතර කලාප අධ්‍යාපන කාර්යාලය වෙත ස්ථාන මාරුවක් ලබදිම්නට කටයුතු කර ඇති බවට වැඩි දුරටත් තොරතුරු වාර්තා වනවා.

මීට දින කිහිපයකට පෙර විදුහල්පතිනිය විසින් මෙම දඩුවම ලබා දී තිබෙන අතර, ඊට මුහුණ දී ඇත්තේ එම පාසලේ 10 වැනි ශ්‍රේණියේ ඉගෙනුම ලබන සිසුන් පිරිසක්.

විවේක කාලයේ දී සිසුන් විසින් ආහාරයට ගන්නා ලද ආහාරවල ඉඳුල් මේසය මත ඉවත් කර නොමැති බවට දැක ඇති විදුහල්පතිනිය සිසුන්ට මෙම දඬුවම ලබා දී ඇති බව සඳහන්.