ලොව ජනප්රියම ක්රීඩාව ලෙස සැළකෙන පාපන්දු ක්රීඩාවේ මෙවර ලෝක ශූරයින් කවුරුන් ද යන්න තීරණය කෙරෙන අවසන් මහා තරගය අද (18) රාත්රියේ පැවැත්වෙනවා.
මෙවර ලෝක කුසලාන පාපන්දු තරගාවලියේ අවසාන මහා තරගය සඳහා පසුගියවර ශූරයින් වන ප්රංශ කණ්ඩායම සහ ප්රබල ආර්ජන්ටිනා කණ්ඩායම සුදුසුකම් ලබා සිටිනවා.
2022 ලෝක කුසලාන පාපන්දු තරගාවලියේ අවසාන මහා තරගය මෙරට වේලාවෙන් අද (18) රාත්රී 8.30ට ආරම්භ වීමට නියමිත අතර මෙම තරගය පැවැත්වෙන්නේ කටාර් රාජ්යයේ ලුසායිල් ස්ටේඩියම් පාපන්දු ක්රීඩාංගනයේ දීයි.
මෙවර අවසන් මහා තරගය සඳහා සුදුකම් ලබා ඇති ප්රංශය සහ ආර්ජන්ටිනාව මීට පෙර අවස්ථා දෙක බැඟින් පාපන්දු ලෝක කුසලාන තම මව්බිමට රැගෙන ගොස් තිබීම ද විශේෂත්වයක්.
පාපන්දු පිටියේ සුපිරි තරු යුගලයක් මෙවර ප්රංශ කණ්ඩායමට සහ ආර්ජන්ටිනා කණ්ඩායමට නායකත්වය ලබාදෙන අතර, කයිලියන් ම්බාපේ ප්රංශ කණ්ඩායමටත්, ලියෝනල් මෙසී ආර්ජන්ටිනාවටත් නායකත්වය ලබා දෙනවා.
ලෝක ශූරයින් දෙපිළක් එකිනෙක ගැටෙන 2022 පාපන්දු ලෝක කුසලානයේ ශූරයින් කවුරුන් ද යන්න දැක බලාගැනීම සඳහා රජ මැදුරේ සිට දුගී පැල්පත දක්වා ලොව පුරා සිටින මිලියන සංඛ්යාත පාපන්දු ප්රේක්ෂනයින් දෑස් දල්වා බලා සිටිනු නො අනුමානයි.
