යාපනය අරියාලෙයි ප්‍රදේශයේදී තරුණයෙකුට නාදුනන පිරිසක් විසින් තියුණු ආයුධ වලින් පහරදීම හේතුවෙන් ඔහු බරපතල තුවාල ලබා රෝහල් ගතකොට ඇතැයි යාපනය පොලීසිය පවසයි.
අරියාලෙයි තැපල්කාර්යාලය අසලදී යතුරුපැදියකින් පැමිණි මුහුණු ආවරනය කරගත් දෙදෙනෙකු විසින් තරුණයාට තියුණු ආයුධවලින් පහර දී පලා ගිය බවට පහරකෑමට ලක් වූ තරුණයා පොලීසියට පවසා ඇත.
පහරකෑමෙන් බරපතල තුවාල ලැබූ තරුණයා ප්‍රදේශවාසීණ් විසින් එම අවස්ථාවේදීම යාපනය ශික්ෂණ රෝහලට ඇතුලත් කොට ඇති අතර පහරදීම සිදුකරන ලද පුද්ගලයින් කව්රුන්දැයි යන්න මෙතෙක් හඳුනාගෙන නොමැත.
අදාල පහරදීම පුද්ගලික ආරවුලක් මත සිදුකරන්නට ඇති බවටත් කිසියම් ආයුධ කල්ලියක පහරදීමක් බවට සැකපල කරන බවටද පරික්ෂණ සිදුකරන යාපනය පොලීසිය වැඩිදුරටත් පැවසීය
