මිහින්තලය – කල්ලංචිය පොලිස් ස්ථානයට අනියුක්ත පොලිස් සැරයන්වරයෙකුට පහරදීමේ සිද්ධිය සම්බන්ධයෙන් දෙදෙනා ඊයේ (24) පස්වරුවේ අත්අඩංගුවට ගෙන තිබෙනවා.
අත්අඩංගුවට ගැනුණු සැකකරුවන් දෙදෙනා සියඹලාගස්වැව ප්‍රදේශයේ පදිංචි 24 සහ 39 හැවිරිදි වියේ පසුවන්නන් බවයි පොලිසිය පැවසුවේ.
ත්‍රිකුණාමල මාර්ගයේ කරුවලගස්වැව විහාරස්ථානය ඉදිරිපිට වෙළඳසැළක් අසළ දී යතුරුපැදියකින් පැමිණි පුද්ගලයින් දෙදෙනෙක් අදාළ පොලිස් සැරයන්වරයාට පහර දී තිබුණා.
පෙරේදා (23) දිනයේ දී මෙම පහරදීම සිදුකර ඇති අතර, සිද්ධියෙන් තුවාල ලැබූ පොලිස් නිලධාරියා කහටගස්දිගිලිය රෝහලේ මේ වනවිටත් ප්‍රතිකාර ලබනවා.
