පොලිස් සැරයන්ට මහ මඟදී එල්ල වූ ප්‍රහාරය (ඡායාරූප)

පුද්ගලයින් දෙදෙනෙකු විසින් පොලිස් නිලධාරියෙකුට පහර දී පලාගිය පුවතක් මිහින්තලේ ප්‍රදේශයෙන් වාර්තා වනවා.

යතුරුපැදියකින් පැමිණ දෙදෙනෙකු විසින් මෙලෙස පහර දී ඇත්තේ, මිහින්තලේ – කල්ලංචිය පොලිස් ස්ථානයට අනියුක්තව සේවය කරන පොලිස් සැරයන්වරයෙකුට බවයි වාර්තා වුණේ.

අදාළ පොලිස් සැරයන්වරයා මිහින්තලයට පැමිණ ත්‍රිකුණාමලය මාර්ගයේ පිහිටි කරුවලගස්වැව විහාරස්ථානයේ ඉදිරිපිට ඇති වෙළෙඳසැලකට ගිය අවස්ථාවේ මෙම පහර කෑමට ලක්ව ඇති බව සඳහන්.

එම අවස්ථාවේ දී ඒ අසල සිටි උප පොලිස් පරීක්ෂකවරයකු එම පහරදීම නැවැත්වීමට උත්සාහ කර ඇති අතර එය ව්‍යර්ථ වී ගොස් තිබෙනවා.

සිද්ධිය සිදුවන අවස්ථාවේ දී අදාළ පොලිස් සැරයන්වරයා ශ්‍රී ලංකා පොලිස් දෙපාර්තමේන්තුවෙන් නිකුත් කරන නිල් පැහැති
ටී-ෂටයකින් සැරසී සිට ඇති අතර, මෙලෙස පහරදීමට හේතුව මෙතෙක් අනාවරණය වී නැහැ.

පහරකෑමෙන් තුවාල ලැබූ පොලිස් නිලධාරියාට මිහින්තලය පොලිස් ස්ථානයට පැමිණ පැමිණිල්ලක් සිදුකරන ලෙසට දැනුම් දී ඇති නමුත් මෙතෙක් ඔහු ඒ සඳහා නො පැමිණි බවයි වාර්තා වන්නේ.

මේ අතර සිද්ධියට සම්බන්ධ සැකකරුවන් දෙදෙනා වහාම අත්අඩංගුවට ගැනීමට කටයුතු කරන බවයි මිහින්තලය පොලිස් ස්ථානාධිපතිවරයා සඳහන් කළේ.