පාසල් ගුරුවරියක් 10 වන ශ්‍රේණියේ සිසුවෙක් සමඟ සිදුකළ ඡායාරූපගත කිරීමක දී ලබාගත් ඡායරූප කිහිපයක් සමාජ මාධ්‍යයේ සංසරණය වීමත් සමඟ ඒ පිළිබඳව ඉන්දියාවේ අවදානය යොමුව තිබෙනවා.
මෙලෙස එම ඡායාරූප සමාජ මාධ්‍යයේ ඔස්සේ සංසරණය වීමත් සමඟ අදාළ ගුරුවරියයේ වැඩ තහනම් කිරීමටයි පාසල් බලධාරීන් කටයුතු කර ඇත්තේ.
කර්නාටක ප්‍රාන්තයේ රජයේ පාසලක ඉගැන්වීම සිදුකළ 42 හැවිරිදි ගුරුවරියකගේයි මෙලෙස වැඩ තහනම් කර ඇත්තේ.
පසුව මෙම ඡායාරූප රූගත කිරීම පිළිබඳව පාසල් බලධාරීන් විසින් පුෂ්පලතා නැමැති අදාළ ගුරුවරියගෙන් විමසූ අවස්ථාවේ ඇය ඔවුන්ට පවසා ඇත්තේ එය ඔවුන් බෙදාගන්නා “මව්-පුතු සම්බන්ධයක්” බවයි.
පාසල් චාරිකාවක් අතරතුර අදාළ ගුරුවරියගේ ජංගම දුරකථනයෙන් මෙම ඡායාරූප ලබාගෙන ඇති අතර ඇගේ ජංගම දුරකථනයෙන් මුල් ඡායාරූප සහ වීඩියෝ ඉවත් කිරීමට බලධාරීන් කටයුතු කර තිබෙනවා.
එම ඡායාරූප සහ වීඩියෝ දර්ශන රූගත කර ඇත්තේ එම සංචාරයට සහභාගි වූ තවත් සිසුවෙකු විසින් බවට ද තොරතුරු වාර්තා වනවා.
කෙසේ වෙතත් මෙම ඡායරූපවලට සමාජ මාධ්‍යවල ඉන්දීය ජනයා දැඩි අප්‍රසාදයක් පළකර ඇති අතර, ඇතැමුන් පවසා ඇත්තේ අදාළ සිසුවා සම්බන්ධයෙන් ද දැඩි තීරණයක් ගත යුතු බවයි.
wpDiscuz
