ඡන්දය සඳහා ගම්බිම් වෙත යන ජනතාවගේ ගමන් පහසුව සඳහා අද (20) දහවල් 12 වනවිට අතිරේක බස් රථ 200ක පමණ සංඛ්‍යාවක් යොදවා තිබූ බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න පවසනවා.
කොළඹ සිට පිට පළාත් සඳහා ප්‍රමාණවත් ලංගම බස් රථ සංඛ්‍යාවක් යොදවා නොතිබීම කොළඹ කොටුව ලංගම බස් නැවතුපොළේ අධික තදබදයක් හටගැනීමට හේතු වී ඇති බවයි ඔහු මෙහිදී පැවසුවේ.
මේ වනවිටත් පිට පළාත් සඳහා ප්‍රමාණවත් තරම් පෞද්ගලික බස් රථ සංඛ්‍යාවක් යොදවා ඇති බවත්, ඒ අනුව කොටුව බැස්ටියන් මාවතේ පිහිටි පෞද්ගලික බස් නැවතුම්පොළට පැමිණ අවශ්‍ය ප්‍රවාහන පහසුකම් සලසා ගන්නා ලෙස මගී ජනතාවට ඔහු දෙනවා.
මෙම සේවාව අද (20) මධ්‍යම රාත්‍රී 12 දක්වා ක්‍රියාත්මක කරන බවයි සභාපතිවරයා සඳහන් කළේ.
මේ අතර හෙට (21) දිනයේ දුරගමන් සේවා බස් රථ 10%ත් 20%ත් අතර ප්‍රමාණයක් ධාවනය කිරීමට නියමිත බව ඔහු සඳහන් කර සිටියා.
එමෙන්ම මැතිවරණ කලසිමාවෙන් පසු ලබන සඳුදා දිනයේ දී බස් ධාවනය 50%කින් පමණ යථා තත්ත්වයට පත්කළ හැකි බව ද මාධ්‍ය වෙත අදහස් දක්වමින් සභාපති ගැමුණු විජේරත්න පැවසුවා.
