චීනයේ ඉහළම ව්යවස්ථාදායකය සහ දේශපාලන උපදේශක මණ්ඩලය ලෙස හැඳින්වෙන එරට වාර්ෂික ජාතික සැසිවාර දෙකෙහි 14 වැනි චීන ජාතික මහජන කොංග්රසයේ සිව්වැනි සැසිවාරය අද (05) පෙරවරු 9.00ට බෙයිජිංහි මහජන මහා ශාලාවේදී ආරම්භ වුණා.
ඒ, චීන කොමියුනිස්ට් පක්ෂ මධ්යම කාරක සභාවේ මහලේකම්වරයා ද වන ජනාධිපති, ෂී ජින්පිං ඇතුළු රජයේ හා පක්ෂ නායකයින්ගේ රැසකගේ සහභාගීත්වයෙන්.
එහිදී චීන අග්රාමාත්ය ලී ච්යං රාජ්ය කාර්ය වාර්තාව ඉදිරිපත් කරමින් සඳහන් කළේ, 2025 වසරේදී ආර්ථික හා සමාජීය සංවර්ධනයේ ප්රධාන ඉලක්ක සහ කාර්යයන් සාර්ථකව අවසන් වූ බවයි.
එමෙන්ම එම වාර්තාවට අනුව 2026 වර්ෂයෙන් ආරම්භ වන චීනයේ ඉදිරි පස් අවුරුදු සැලසුම් කෙටුම්පත මගින් ප්රධාන ඉලක්ක 20ක් ඉදිරිපත් කර තිබෙනවා.
නවෝත්පාදන සංවර්ධනය ශක්තිමත් කිරීම, සමාජීය සමස්ත පර්යේෂණ අයවැය වර්ෂිකව 7%කින් වැඩි කිරීම මෙන්ම හරිත අවකාබන් විමෝචනය, දූෂණ අවම කිරීම හා ජෛව පරිසර පද්ධතීන් සුරක්ෂිත කිරීම යනාදිය වෙනුවෙන් දළ දේශීය නිෂ්පාදන ඒකකයක් සඳහා කාබන් ඩයොක්සයිඩ් විමෝචන ප්රමාණය 17%%කින් අඩු කිරීම යනාදිය එහිදී ඉලක්ක කර තිබෙනවා.
රාජ්ය කාර්ය වාර්තාවට අනුව 2026 වසරේදී චීන ආර්ථික වර්ධන වේගය 4.5%ත් 5%ත් අතර මට්ටමක් අපේක්ෂා කෙරෙනවා.
තවද, නාගරික ප්රදේශයන්හි මිලියන 12 ඉක්මවූ රැකියා අවස්ථා නිර්මාණය, විරැකියා අනුපාතය 5.5%ක පමණ මට්ටමක් දක්වා පාලනය, පාරිභෝගික මිල දර්ශකය 2%ක පමණ මට්ටමක පවත්වා ගැනීම, ධාන්ය නිෂ්පාදනය ටොන් මිලියන 700 ඉක්මවීම, මෙන්ම ජාත්යන්තර ආදායම් හා වියදම් මූලික වශයෙන් සමබරව පවත්වා ගැනීම මෙම වසරේ රටේ ප්රධාන සංවර්ධන ඉලක්ක බව ලී ච්යං අග්රාමාත්යරයා ඉදිරිපත් කළ රාජ්ය කාර්ය වාර්තාවේ වැඩිදුරටත් දැක්වෙනවා.
එමෙන්ම එම රාජ්ය කාර්ය වාර්තාවට අනුව, මධ්යස්ථ ලිහිල් මුදල් ප්රතිපත්තියක් අඛණ්ඩව ක්රියාත්මක කිරීමට චීනය පියවර ගනු ඇති බවත් සඳහන්.
