2024 වර්ෂයේ වසරේ එක්දින ක්රීඩකයා සම්මානය ඇෆ්ගනිස්තානයේ අෂ්මතුල්ලා ඔමර්සායි පත් ව තිබෙනවා.
ජාත්යන්තර ක්රිකට් කවුන්සිලය විසින් අද (27) දිනයේ දී මෙම නිවේදනය නිකුත් කරනු ලැබුවා.
තුන් ඉරියව්වෙන් ම දක්ෂතා අතරට පිවිසීමට සමත් ව සිටින ඔමර්සායි දකුණත් වේග පන්දු යවන්නෙකු වන අතර එම වසර පුරා ම හෙතෙම බහුවිධ පිතිකරණ හැකියාවන් ද ඉස්මතු කර තිබෙනවා.
එය ඇෆ්ගනිස්තාන කණ්ඩායමට බොහෝ තරග ජයග්රහණයට ද ඉවහල් වුණා.
පන්දුවාර 20 ක්රිකට් ආකෘතියේ දී ද ඔමර්සායි දක්ෂතා අතරට පැමිණීමට සමත් වූ අතර ජාත්යන්තර ක්රිකට් කවුන්සිලය නිවේදනය කරන්නේ ටී20 තරගවලට වඩා එක්දින තරගවල කැපී පෙනෙන දක්ෂතා ඔමර්සායි සතු වන බවයි.
24 හැවිරිදි ඔමර්සායිගේ දක්ෂතා එක්දින තරගාවලි හතරක් ජය ගැනීමට දායක වූ අතර එහිදී අයර්ලන්තය, දකුණු අප්රිකාව, බංග්ලාදේශය සහ සිම්බාබ්වේ යන කණ්ඩායම්වලට එරෙහිව වාර්තා කිරීමට ද දායක වූ බවත් පෙනෙන්නට තිබෙන කරුණක්.
මෙම ලැයිස්තුවට ඔමර්සායිට අමතරව ශ්රී ලංකාවෙන් කුසල් මෙන්ඩිස් සහ වනිඳු හසරංග ද කොදෙව් දේශයෙන් රදර්ඩර්ඩ් ද එක් ව සිටියා.
