වයස අවුරුදු 13ක වන බාල වයස්කාර දැරියක් සමඟ අඹු සැමි ඇසුරක් පැවැත් වූ බව කියන 17 හැවිරිදි තරුණයෙක් අත්අඩංගුවට ගත් බව මාරවිල පොලිසිය පවසනවා.
මාරවිල – මැදකටුනේරි ප්‍රදේශයේ පදංචි තරුණයෙක් මෙලෙස අත්අඩංගුවට ගෙන ඇති බවයි වාර්තා වුණේ.
දැරිය දකුණු කළුතර ප්‍රදේශයේ පදිංචි තැනැත්තියක්වන අතර, 2023 වසරේ දී දුරකථනය මඟින් මොවුන් දෙදෙනා හඳුනාගෙන ඇති බවයි අනාවරණය වී ඇත්තේ.
පසුව ඔදුන් දෙදෙනා අතර ප්‍රේම සම්බන්ධයක් ගොඩනැඟී ඇති අතර, මෙම සම්බන්ධයට දැරියගේ මව සහ සුළු පියා ඊට විරෝධය පළකර තිබෙනවා.
කෙසේ වෙතත් දෙදෙනා එම ප්‍රේම සම්බන්ධය දිගටම පවත්වාගෙන ගොස් ඇති අතර, පසුගිය පෙබරවාරි මාසයේ දිනක සැකකාර පෙම්වතා දැරියගේ නිවසට ද ගොස් ඇති බවයි අනාවරණය වී ඇත්තේ.
මෙහිදී දැරිය නිතර පෙළෙන රෝගයකට කටුනේරිය ප්‍රදේශයේ දේවස්ථානයක ප්‍රතිකාර කරන බව පවසා සැකකරු සිය 13 හැවිරිදි පෙම්වතිය කටුනේරිය ප්‍රදේශයට පැමිණ ඇති බවයි වාර්තා වුණේ.
එම දේවස්ථානයට ගොස් දැරියට අවශ්‍ය ප්‍රතිකාර ලබාගැනීමෙන් පසුව දෙදෙනාම සැකකරුගේ නිවසට ගොස් එහි නැවතී ඇති බවයි තොරතුරු හෙළිව ඇත්තේ.
එසේ නවාතැන් ගත් දින සිට මේ දක්වා සැකකරු සහ තමන් අඹු සැමියන් ලෙස ජීවත් වූ බවයි දැරිය පොලිසිය ගනුවේ පවසා ඇත්තේ.
පෙම්වතා සමඟ ප්‍රතිකාර ගැනීමට ගිය දැරිය මාසයක කාලයක් යන තුරු ආපසු නිවසට නොපැමිණීමේ හේතුවෙන් දැරියගේ මව විසින් මේ බව පොලිසියට කළ පැමිණිල්ලකට අනුව සිදුකළ විමර්ශනවල දී මොවුන් දෙදෙනා සොයා ගැනීමට පොලිසියට හැකිව තිබෙනවා.
සොයාගත් දැරිය වෛද්‍ය පරීක්ෂණයක් සදහා ඇයගේ මව භාරයේ මාරවිල මූලික රෝහලට ඇතුළත් කර ඇති බවයි වාර්තා වුණේ.
අත්අඩංගුවට ගැනුණු සැකකාර පෙම්වතා මාරවිල මහේස්ත්‍රාත්වරයා වෙත ඉදිරිපත් කිරීමට නියමිතව තිබෙනවා.
wpDiscuz
