“ඔයා ගාව හරි සුවඳයි ” ” ඔයා නැතුව මට ඉන්න බෑ” යැයි ලිංගික ආශාවන් ඇතිවන ආකාරයේ කෙටි පණිවිඩ යොමු කරමින් පහළොස් හැවිරිදි සිසුවකුට ලිංගික අතවර කිරීම සම්බන්ධයෙන් රිමාන්ඩ් භාරයට පත් කර සිටින ගුරුවරිය එළඹෙන 9 වෙනි දින දක්වා තවදුරටත් රිමාන්ඩ් භාරයේ තබන ලෙස හොරණ අධිකරණයේ මහේස්ත්රාත් චන්දන කලංසූරිය මහතා නියෝග කළේය.
මෙලෙස රිමාන්ඩ් භාරයට පත් කරන ලද්දේ හොරණ තක්ෂිලා උයන ප්රදේශයේ පදිංචි 42 හැවිරිදි තිදරු මවක් වන ගුරුවරියකි.
සැකකාරිය සිසුවා අධ්යාපන ලබන පාසලේම සිසුවාගේ පන්තිභාර ගුරුවරිය ලෙස කටයුතු කළ තැනැත්තියකි.
ඊට අමතරව පොලිසියේ ඉල්ලීමකට අවසර ලබා දුන් මහේස්ත්රාත්වරයා ගුරුවරිය පරිහරණය කරන ලද ජංගම දුරකථනය සහ සිසුවා පරිහරණය කරන ලද ජංගම දුරකථනයද වැඩිදුර විමර්ශන කටයුතු සඳහා රජයේ රස පරීක්ෂකවරයා වෙත යැවීමටද අවසර ලබා දුන්නේය.
අතවරයට පත් සිසුවාගේ මව හා පියා විදේශගතව සිටින අතර පහළොස් හැවිරිදි සිසුවා මවගේ සොයුරියගේ( පුංචි අම්මාගේ) නිවසේ සිට අධ්යාපන කටයුතුවල නියැලී ඇත.
ඉකුත් මස 5 වැනි දින පුංචි අම්මා නිවසින් බැහැරව ගිය අවස්ථාවේදී සැකකාර ගුරුවරිය සිසුවා සොයා එම නිවසට ගොස් තිබූ අතර පුංචි අම්මා යළි නිවසට එන අවස්ථාවේදී සැකකාර ගුරුවරිය නිවසේ සාලයේ සැටිය මත වාඩි වී සිසුවාගේ මුහුණ සිඹිමින් සිට ඇති අතර එය ඇය විසින් නොදැක්කා සේ නිවස තුලට ගොස් මද වේලාවකදී විදේශගතව සිටින සිසුවාගේ මව ට ඒ බව (සොයුරියට) දැනුම් දී ඇතැයි පොලිස් විමර්ශනවලදී අනාවරණය වී තිබිණි.
ඊට අමතරව සිසුවාගේ පුංචි අම්මා විදේශගතව සිටින සොයුරියගේ දැනුම්දීම මත සිසුවා පරිහරණය කරන ලද ජංගම දුරකථනය පරික්ෂා කිරීමේදී” සුදු ඔයාව දකින්නෙ නැතුව මට ඉන්න බෑ”” ඔයා ගාව හරි සුවඳයි” ආදී වශයෙන් ලිංගික ආශාවන් ඇතිවන ආකාරයේ ආදර වදන් කෙටි පණිවිඩ මගින් ගුරුවරිය විසින් සිසුවගේ ජංගම දුරකතනය වෙත යොමු කර තිබූ බවට විමර්ශනවලදී වැඩිදුරටත් අනාවරණ වී තිබිණි.
ඒ බව සිසුවාගේ මවට සොයුරිය දැනුම් දීමත් සමගම ඇය විදේශ රටේ සිට මෙරටට දින කිහිපයක් තුළදී පැමිණ හොරණ අධ්යාපන කලාපයට මෙන්ම පොලිසියට ද පැමිණිලි කිරීමට කටයුතු කර තිබිණි.
