ළාබාලතම ටෙනිස් ශූරයාට අඛණ්ඩ ව තෙවැනි පරාජයත් හිමිවෙයි

2023 ATP අවසන් තරග වටයක දී ලෝක ශූර ළාබාලතම ටෙනිස් ක්‍රීඩක ස්පාඤ්ඤයේ Carlos Alcaraz ට තවත් අමිහිරි පරාජයක් අත්විඳීමට සිදු වුණා.

ඒ තවමත් ATP ශූරතා ලැයිස්තුවේ 07 වැනි ස්ථානය හිමිකරගෙන සිටින ජර්මනියේ Alexander Zverev හමුවේයි.

විම්බල්ඩන් ශූර නොවැක් ජෙකොවික්ට පමණක් දෙවැනි ව ATP ලැයිස්තුවේ සිටින අල්කරාස්ගේ මෙම පරාජය මේ වනවිට බොහෝදෙනාගේ අවධානයට ලක් ව තිබෙනවා.

මෙම තරගය හමුවේ දී අල්කරාස්ව ඇලෙක්සැන්ඩර් විසින් ලකුණු වට 6-7ක්, (3-7)ක්, 6-3ක් සහ 6-4ක් ලෙස පරාජයට පත් කිරීමට සමත් වුණා.

කාර්ලස් අල්කරාස් මෙම තරගය පරාජයට පත්වීමත් සමග එය ඔහු අඛණ්ඩව ලැබූ තෙවැනි පරාජය ලෙසටයි සඳහන් වන්නේ.

තවමත් 20 හැවිරිදි වියෙහි පසුවන අල්කරාස් 2021 වර්ෂයෙන් පසුව ATP තරගාවලියක ලද දැවැන්තම පරාජය ද මෙය වනවා.

ආබාධයක් හේතුවෙන් ඔහුට පසුගිය වසරේ දී ATP අවසන් මහා තරගය අහිමි වුණා.

Alcaraz ට ඉදිරි වට ගැන බලාපොරොත්තුවක් තබා ගැනීමට අවශ්‍ය වන්නේ නම්, නුදුරේ දී මෙම තරගාවලිය යටතේ පැවැත්වෙන සෙසු තරග දෙක ජය ගැනීම අනිවාර්‍යය වනවා.

මෙය තමන්ට ඉතා වේදනාකාරී පරාජයක් වුව ද, ලෝක ශූර නොවැක් ජෙකොවිච් දෙස බලා තවදුරටත් ඉගෙන ගන්නා බවත්, ඇලෙක්සැන්ඩර් හමුවේ තමන්ගේ ක්‍රීඩා විලාසය ගැන කිසිදු සතුටක් නොමැති බවයි, හොඳින් පුහුණු වීම් කර ඉදිරි තරගවලට සාර්ථක වීමට උත්සාහ දරන බව ද අල්කරාස් සඳහන් කළා.