සිංහල සිනමාවේ නිළි රැජිණ ලෙසින් විරුදාවලිය ලද ප්‍රවීණ හා ජ්‍යේෂ්ඨ රංගනවේදිනී මාලනී ෆොන්සේකා මහත්මිය සුවෙන් සිටින බවට තොරතුරු වාර්තා වනවා.
පසුගිය දින කිහිපයේ දී ඇතැම් සමාජ මාධ්‍ය ගිණුම් මෙහෙයවන්නන් විසින් නිලි රැජිණි සම්බන්ධයෙන් වූ අසත්‍ය පුවත් ශීඝ්‍රයෙන් සංසරණය කරන අයුරුයි දක්නට ලැබුණේ.
නමුත් මාලනී ෆොන්සේකා මහත්මිය අසනීප තත්ත්වයෙන් පසු වුව ද, මේ වනවිට වෛද්‍ය ප්‍රතිකාර හමුවේ ඇය සුවය ලබා සිටින බව රංගන ශිල්පිනී සමනලී ෆොන්සේකා පවසනවා.
ඇය අද (13) සිය නිල මුහුණුපොතට සිය නැන්දණිය වන මාලනී ෆොන්සේකා මහත්මිය සමග ගත් ඡායාරූපයක් ද ගෙන පළ කරමින් මේ බව කියා සිටිනවා.
ඇය සඳහන් කරන්නේ සිය නැන්දා ගැන සොයා බැලූ ප්‍රේක්ෂකයින්ට මෙවැන්නක්;
“මම ඇහුවා නැන්දගෙන් මේ පිංතූරෙට දාන්න caption එකක් කියන්න කියලා. “mission completed! කියලා දාන්න ශා…” කියලා කිව්වා. ඉතින් ලොකු නැන්දා සනීපෙන්. නැන්දට සුව වෙන්න කියලා ප්‍රාර්ථනා කරපු, උදව් කරපු හැම ආදරණීය කෙනෙක්ටම ස්තූතියි!” යනුවෙන්.
