ජීවිතේ අපිට ඉතුරු වෙන්නේ කරපු හොඳ විතරයි. තවත් කෙනෙකුට පීඩාවක් කරලා, කෙනෙකුගේ දෙයක් උදුරගෙන ලැබෙන සතුට බොහෝම තාවකාලිකයි. අපි කොතනක මොන විදිහේ රැකියාවක් කළත් ඒ රැකියාවට අවංක වෙන්න ඕනේ.. ඒ වගේම ආදරේ වෙන්න ඕනේ.සමහර වෙලාවට මනුස්සකමත් මේ රැකියාව එක්ක ගලාගෙන යන්න ඕනේ.
අපි මේ විදිහේ කතා ටිකක් ගැන කියන්න හිතුවේ අහන්න ලැබුණු අපූරු සිදුවීමක් නිසයි. පොලිසිය.. මේ දවස්වල පොලිසිය ගැන කියපු ගමන්ම මිනිස්සුන්ගේ හිත්වලට දැනෙන්නේ හොඳ ආකල්පයක්නම් නෙවෙයි. ඒකට හේතුව තමහි සමහරක් නිලධාරීන්ගේ ක්රියාකලාපය.ඇතමුන් දේශපාලකයන්ට යටවෙනවා.. තවත් අය දූෂිතයන්ට යටවෙනවා. ඒ පෞද්ගලික වාසි, ලාබ සහ ප්රයෝජන නිසා.හැබැයි සමහර වෙලාවට අපිට හිතට අවංකවම තමන්ගේ රැකියාව කරන්න බැරිනම් ඒ රැකියාවෙන් ගෞරවාන්විතව අයින් වෙන එක හොඳයි.
මොකද සමාජයට රටට, මිනිස්සුන්ට අවැඩක් වෙනවනම් ඒ රැකියාව කරලා වැඩක් නෑ. ඒ විදිහට පොලිස් නිලධාරියෙක් තමන් පණ වගේ ආදරය කරපු පොලිස් රැකියාවට තිත තබන්න සූදානම් සටහනක් තබලා තිබුණා. ඒ මේ විදිහට.. ආදරය කරන රස්සාව අතහරින්න කාලය හරි වගේ. ඒ අදහසට ඔහුගේ ආදරණීය බිරිඳත් හරි අපූරු සටහනක් තබා තිබුණා.
රැකියාව මුදල මත ආදරය තීරණය වෙන සමාජයක තමන්ගේ ආදරණීය සැමියා හිතට යටත්ව රැකියාව කරන්න බැරි නිසා තැබූ ඒ සටහනට මේ විදිහට බිරිඳ පිළිතුරු ලබාදී තිබුණා.ඕන දේකට මම ඉන්නවා.. රස්සාවක් නෑ කියලා මිනිස්සු සැලුනද ඒයි.. යනවානම් කියන්න ගෝල්ෆේස් පැත්තේ මම ඇති එකෙන්ම එතන. අතපය හතර තාම හොඳට හයිය නම් මහ පොලවට හරි ඔට්ටු වෙමු මැණික..
