බංග්ලාදේශයේ හිටපු අගමැතිනි ෂෙයික් හසීනාට මාස 06ක සිර දඬුවමක් නියම කර තිබෙනවා.
අල් ජසීරා පුවත් සේවය වාර්තා කළේ, අපහාස නඩුවක් සම්බන්ධයෙන් වූ චෝදනාවකට වරදකරු වීම හේතුවෙන් හිටපු අගමැතිනියට මෙලෙස සිර දඬුවම් නියම කර ඇති බවයි.
මෙලෙස හිටපු අගමැතිනියක් කිසියම් වරදකට වරදකරු බවට පත් කර නීතිය ක්රියාත්මක කිරීම යනු රටක යුක්තිය ඉටුවන බවට පෙන්නුම් කරන සාධකයක් බවත් අන්තර්වාර බංග්ලාදේශ රජය නිවේදනය කරනවා.
බංග්ලාදේශය විසින් ස්වයං – පිටුවහල් කරන ලද හිටපු අගමැතිනි ෂෙයික් හසීනාට අධිකරණයට අපහාස කිරීම සම්බන්ධයෙන් එරට ජාත්යන්තර අපරාධ විනිශ්චය සභාව (ICT) විසින් මෙලෙස සිර දඬුවම් නියම කරනු ලැබුවා.
විනිසුරු ගෝලම් මෝර්ටුසා මොසුම්දර්ගේ ප්රධානත්වයෙන් යුත් ත්රිපුද්ගල විනිශ්චය සභාව ඊයේ (02) හසීනා අධිකරණය හමුවේ ඉදිරිපත් ව නොසිටි අවස්ථාවේදියි මෙම තීන්දුව ලබා දුන්නේ.
ඇය අත්අඩංගුවට ගැනීම හෝ ස්වේච්ඡාවෙන් යටත් වීම මත දඬුවම ක්රියාත්මක වන බව ප්රධාන අභිචෝදක මුහම්මද් තාජුල් ඉස්ලාම් ප්රකාශ කර තිබෙනවා.
පසුගිය අගෝස්තු මාසයේදී ශිෂ්ය නායකත්වයෙන් යුත් නැගිටීමකින් පසු ඉන්දියාවට පලා ගිය හසීනාට චෝදනා කිහිපයක් එල්ල වී තිබෙන පසුබිමකයි මෙම තීන්දුව ලැබී ඇත්තේ.
බංග්ලාදේශයේ සිදු වූ අරගලකාරී සමය සම්බන්ධ නඩුවකදී හසීනාට එරෙහිව විධිමත් දඬුවමක් ලැබුණු පළමු අවස්ථාව ද මෙයයි.
අවාමි ලීගයේ තහනම් ශිෂ්ය අංශයක් වන චත්රා ලීගයේ ජ්යෙෂ්ඨ චරිතයක් වන ෂකිල් අකාන්ද් බුල්බුල්ට ද එම නඩුවේ දී ම මාස දෙකක සිර දඬුවමක් නියම කෙරුණා.
