හිටපු ජනපති රනිල්ව බන්ධනාගාර ගත කිරීම ජාත්‍යන්තරය කළඹයි

මෙරට අට වැනි විධායක ජනාධිපතිවරයා ලෙස කටයුතු කළ රනිල් වික්‍රමසිංහ ලබන 26 වනදා දක්වා රක්ෂිත බන්ධනාගාර ගත කරමින් කොළඹ කොටුව මහේස්ත්‍රාත් අධිකරණය ඊයේ (22) රාත්‍රියේ නියෝගයක් ලබාදුන්නා.

ඉතිහාස ගත වූ මෙම නියෝගය පිළිබඳව මේ වනවිට ජාත්‍යන්තර මාධ්‍යයේ ද දැඩි අවදානයක් යොමුව තිබෙනවා.

ඉන්දියාවේ NDTV පුවත් සේවය, බ්‍රිතාන්‍යයේ BBC පුවත් සේවය, කටාර් හි අල් ජසීරා පුවත් සේවය, රොයිටර්ස් පුවත් සේවය, ද නිව්යෝර්ක් ටයිම්ස් පුවත් සේවය වැනි ප්‍රධාන පේළේ ජාත්‍යන්තර මාධ්‍යවල ප්‍රධාන පුවතක් බවට මෙම පුවත මේ වනවිට පත්ව තිබෙනවා.

ශ්‍රී ලංකා ඉතිහාසයේ විධායක ජනාධිපතිවරයෙක් අත්අඩංගුවට පත්වූ පළමු අවස්ථාව සහ රක්ෂිත බන්ධනාගාර ගතකළ පළමු අවස්ථාව මෙය වනවා.