අද (16) දිනය වනවිට සහල් මෙට්රික් ටොන් 4,800ක් ආනයනය කර ඇති බව රේගු මාධ්ය ප්රකාශක අතිරේක රේගු අධ්යක්ෂ සීවලී අරුක්ගොඩ පවසනවා.
මෙලෙස ආනයනය කර ඇති සහල් තොගයේ තම්බපු සහල් මෙට්රික් ටොන් 3,000ක් සහ කැකුළු සහල් මෙට්රික් ටොන් 1,800ක් පවතින බව මාධ්ය ප්රකාශකවරයා සඳහන් කර සිටියා.
මෙරටට ආනයනය කළ සහල්වලින් පරිභෝජනයට නුසුදුසු හාල් තොගයක් ප්රති අපනයනය සඳහා කටයුතු කර ඇති බවයි ඔහු සඳහන් කළේ.
සහල් අඩංගු බහාලුම් තුනක් මෙලෙස ප්රති අපනයනය සඳහා කටයුතු කර ඇති අතර, ඉන් බහාලුම් දෙකක තිබූ සහල් තොගවල කෘමීන් සිටින බවට අනාවරණය වී තිබෙනවා.
අනෙක් බහාලුමේ තිබූ සහල් මෙට්රික් ටොන් 25ක් කල් ඉකුත් වී තිබූ බව ද රේගු මාධ්ය ප්රකාශකවරයා මෙහිදී පැවසුවා.
මේ අතර මාධ්ය ප්රකාශකවරයා පවසා සිටියේ රජය විසින් ආනයන කරනු ලබන සහල් තොග තවමත් මෙරටට ලැබී නොමැති බවයි.
එමෙන්ම සහල් ආනයනය එළඹෙන 20 වනදාට පෙර සිදුකළ යුතු බව ද ඔහු මෙහිදී සඳහන් කර සිටියා.
