09 වැනි පාර්ලිමේන්තුවේ සිව්වැනි සභා වාරයේ, රජයේ මුදල් පිළිබඳ කාරක සභාවේ පළමු රැස්වීම පසුගියදා (07) එහි සභාපති පාර්ලිමේන්තු මන්ත්රී හර්ෂ ද සිල්වාගේ ප්රධානතවයෙන් රැස් වුණා.
මෙහිදී ඔට්ටු ඇල්ලීම හා සූදු බදු (සංශෝධන) පනත් කෙටුම්පත පිළිබඳ සාකච්ඡා කිරීම සිදු වූ අතර, කැසිනෝ සඳහා නියාමන අධිකාරියක් ස්ථාපිත කිරීමට අවශ්ය කාලරාමුවක් සකස්කරන තෙක් මෙම කෙටුම්පත සලකා බැලීම
සතියකින් කල් දැමීම සිදුවුණා.
මෙහිදී කාරක සභාවේ සභාපතිවරයා පෙන්වා දුන්නේ කැසිනෝ ව්යාපාරය සම්බන්ධයෙන් නියාමන අධිකාරියක් ස්ථාපිත කිරීම පිළිබඳ මින් පෙර සාකච්ඡා වූ බවත්, ඒ අනුව මුදල් අමාත්යාංශය විසින් සකස් කළ කාල රාමුවකට අනුව 2023 ජනවාරි 31 වන විට මෙම නියාමන අධිකාරියට කැබිනට් අනුමතිය ලබාගැනීමට දින සැලැස්මක් සකස් කර දුන් බවයි.
නමුත් එය සිදු වී නොමැති බවත් මේ නිසා නව දින සැලැස්මක් අවශ්ය බවත් එය සකස්කිරීම සඳහාසතියක කාලසීමාවක් ලබාදෙන බවත් කමිටුව සඳහන් කළා.
මේ අනුව ඔට්ටු ඇල්ලීම හා සූදු බදු (සංශෝධන) පනත් කෙටුම්පත පිළිබඳ සලකා බැලීම සඳහා රජයේ මුදල් පිළිබඳ කාරක සභාව සතියකින් රැස්වීමට මෙහිදී තීරණය කෙරුණා.
එසේම 2021 අංක 30 දරන විසර්ජන පනත යටතේ වන නියමය සඳහා රජයේ මුදල් පිළිබඳ කාරක සභාවේ අනුමතිය ලබාදීමද මෙහිදී සිදු වුණා.
