හතර ශ්රේණියේ ඉගෙනුම ලැබූ දැරියක් හදිසියේ ඇති වූ හෘදයාබාධයකින් ජීවිතක්ෂයට පත් වූ පුවතක් ඉන්දීය මාධ්ය වාර්තා කරනවා.
ප්රාචි කුමාවත් නැමැති ඉන්දියාවේ සිකාර් දිස්ත්රික්කයේ ජීවත් වූ වයස අවුරුදු 09ක දැරියක් මෙලෙස ජීවිතක්ෂයට පත්ව ඇති බවයි වාර්තා වන්නේ.
මෙම දැරිය පසුගිය අඟහරුවාදා දිනයේ දැරිය දිවා ආහාරය ලබාගැනීමට කෑම පෙට්ටිය විවෘත කරන අතරතුර ක්ලාන්තය වී බිම ඇඳ වැටී තිබෙනවා.
එම අවස්ථාවේ දී ගුරුවරු ඉක්මනින් ඇයව ළඟම ඇති ප්රජා සෞඛ්ය මධ්යස්ථානයට ගෙන ගොස් ඇති බවයි වාර්තා වුණේ.
ඇය සෞඛ්ය මධ්යස්ථානයට ඇතුළත් කිරීමෙන් අනතුරුව මූලික ප්රතිකාර ලබාදීමෙන් පසු සිකාර් හි දිස්ත්රික් රෝහලට යොමු කිරීමට කටයුතු කළ බවයි එහි වෛද්යවරුන් පවසන්නේ.
එලෙස දිස්ත්රික් රෝහලට ඇතුළත් කළ දැරිය එහි ප්රතිකාර ලබමින් සිටිය දී මෙලෙස මියගොස් තිබෙනවා.
එම රෝහලේ වෛද්යවරුන් සඳහන් කරන්නේ හෘදයාබාධයක රෝග ලක්ෂණ දැරියට පෙන්නුම් කළ බවයි.
මේ අතර පශ්චාත් මරණ පරීක්ෂණයකින් තොරව දැරියගේ දේහය පවුලේ ඥාතින් විසින් අවසන් කටයුතු සඳහා නිවසට රැගෙන ගොස් ඇති බවයි වාර්තා වුණේ.
