ක්‍රිකට් ආයතනයේ මධ්‍යම කොන්ත්‍රාත්තුව යටතේ අනිවාර්ය යෝග්‍යතා පරීක්ෂණය සඳහා ක්‍රීඩකන් 15 දෙනෙක් තවමත් සහභාගී වී නොමැති බවට ශ්‍රී ලංකා ක්‍රිකට් ආයතනය තහවුරු කළ බව ක්‍රීක්ඉන්ෆෝ වෙබ් අඩවිය සඳහන් කරනවා.
එලෙස අනිවාර්ය යෝග්‍යතා පරීක්ෂණය සඳහා සහභාගී වී නොවූ ක්‍රීඩකයින් අතර මතීෂ පතිරණ සහ වනිඳු හසරංග ද සිටින බවයි වාර්තා වන්නේ.
එමෙන්ම එම යෝග්‍යතා පරීක්ෂණය සඳහා සහභාගී වූ ක්‍රීඩකයින්ගෙන් ක්‍රීඩකයින් 06 දෙනෙකු අවම වශයෙන් එක් උත්සාහයක්වත් අසමත් වී ඇති බවයි එම වෙබ් අඩවිය සඳහන් කරන්නේ.
ක්‍රිකට් ආයතනයේ මධ්‍යම කොන්ත්‍රාත්තුව යටතේ ක්‍රීඩකයින් 45 දෙනෙකු සිටිනවා.
මේ අතර යෝග්‍යතා පරීක්ෂණය සඳහා තවමත් සහභාගී වී නොමැති වනිඳු හසරංග සහ මතීෂ පතිරණ අයි.පී.එල් තරගාවලිය නියෝජනය කිරීමට බලාපොරොත්තුවෙන් සිටින අතර, වනිඳු තවමත් NOC (විරෝධතා සහතිකයක්) ඉල්ලා නැති බව ශ්‍රී ලංකා ක්‍රිකට් ආයතනය පැවසු බව ක්‍රීක්ඉන්ෆෝ වෙබ් අඩවිය වැඩිදුරටත් සඳහන් කරනවා.
ශ්‍රී ලංකා ක්‍රීඩකයින්ට යෝග්‍යතා පරීක්ෂණය සමත්වීමට නම් ලකුණු 29න් 17ක් ලබාගත යුතු වනවා.
