චීන සමාගමක් සිය සේවකයින් වෙනුවන් ප්රසාද දීමනා (බෝනස්) ලබාදුන් අපූරු ක්රමයක් පිළිබඳ පුවතක් විදෙස් මාධ්ය වාර්තා කරනවා.
හෙනන් මයින් ක්රේන් නැමති දොඹකර සමාගම විසින් මෙලෙස එහි සේවකයින් 30 දෙනෙකු වෙනුවෙන් ප්රසාද දීමනා ලබා දී ඇති අතර, එහිදී එම සමාගම චීන යුවාන් මිලියන 60ක් ප්රසාද දීමනා ලෙස බෙදා දී තිබෙනවා.
මීටර් 70ක් දිග මේසයක් මත යුවාන් මිලියන 60ක මුදල අතුරා තමන්ට කැමති තරම් මුදලක් ඉන් අහුලා ගැනීමට විනාඩි 15ක කාලයක් එම සේවකයින් වෙත ලබා දී ඇති බවයි වාර්තා වුණේ.
ඒ, අනුව එක් සේවකයෙක් විසින් වැඩිම මුදල ලෙස යුවාන් 100,000ක මුදලක් ලබාගැනීමට හැකිව ඇති බවයි විදෙස් වාර්තා වැඩිදුරටත් තොරතුරු වාර්තා කළේ.
හෙනන් මයින් ක්රේන් සමාගම පසුගිය 2024 වසරේ ලැබූ යුවාන් මිලියන 260ක ශුද්ධ ලාභයෙන් කොටසක් මෙලෙස ප්රසාද දීමනා ලෙස සේවකයින් අතර බෙදාදීමට කටයුතු කළ බවයි එහි සභාපතිවරයා පැවසුවේ.
