සූරියවැව, වැවේගම ප්රදේශයේ දී සැකකරුවෙක් අත්අඩංගුවට ගැනීමට යාමේදී සිදු වූ වෙඩි හුවමරුවෙන් විශේෂ කාර්ය බලකා නිලධාරියෙක් ද තුවාල ලබා රෝහල් ගතකර ඇති බව පොලිසිය පවසනවා.
මේ අතර වෙඩි ප්රහාරයට ලක්වූ සැකකරු සූරියවැව රෝහලට ඇතුළත් කිරීමෙන් පසු මියගොස් ඇති බවයි වාර්තා වුණේ.
සූරියවැව, වැවේගම ප්රදේශයේ සැකකරුවෙක් රැඳී සිටින බවට ලැබුණු තොරතුරකට අනුව ඔහුව අත්අඩංගුවට ගැනීමට පොලිස් නිලධාරීන් සහ විශේෂ කාර්ය බලකා නිලධාරීන් පිරිසක් එහි ගොස් ඇත්තේ අද (22) අලුයම් කාලයේ යි.
එහිදී සැකකරු විසින් නිලධාරීන් දෙසට වෙඩිතබා අත් බෝම්බ ප්රහාරයක් එක්ක කිරීමට උත්සාහ කර තිබෙනවා.
එම අවස්ථාවේ දී විශේෂ කාර්ය බලකා නිලධාරීන් සිදුකළ ප්රතිප්රහාර හමුවේ සැකකරු වෙඩි වැදීමක ලක්ව තුවාල ලබා රෝහල් ගත කිරීමෙන් අනතුරුව මියගොස් ඇති බවයි වාර්තා වුණේ.
එම සැකකරු පසුගියදා කොස්ගොඩ ප්රදේශයේ දී සිදුකළ වෙඩිතැබීමේ සැකකරුවෙකු බවට පොලිසිය සැක පළකරනවා.
Update – Friday, August 22, 2025, 8.06 AM
සූරියවැව, වැවේගම ප්රදේශයේ දී විශේෂ කාර්ය බලකාය සිදුකළ වෙඩි තැබීමකින් සැකකරුවෙක් මියගොස් තිබෙනවා.
අද (22) අලුයම් කාලයේ සැකකරු අත්අඩංගුවට ගැනීමට යාමේ දී සැකකරු විශේෂ කාර්ය බලකා නිලධාරීන් දෙසට වෙඩි ප්රහාරයක් එල්ල කර තිබෙනවා.
එහිදී විශේෂ කාර්ය බලකා නිලධාරීන් සිදුකළ වෙඩි තැබීමෙන් සැකකරු මියගොස් ඇති බවයි වාර්තා වුණේ.
